عضو فى ورطة(رشح عضو)

وردة حمرة My husand in future
وردة بيضه امى
وردةصفرة لسمر عشان ما تزعلش :)
ما شعورك عند فقد انسان عزيز عليكي مرة وحدة دون سابق انذار ؟ صعب جدا وممكن انهار الا لو حد وقف جنبى وثبتنى :(

مارايك بالوضع الي احنا فيه ؟ بالنسبه لايه؟؟؟

من هو اكثر واحد سالك ؟ اكيد انا هوا فى حد بيسال غيرك ف الليله دى وقال ايه كل دا ومش فاضيه وراها امتحانات :lol!: امال لو فاضيه كنتى عملتى ايه :scratch:

ما رايك بالبرامج الي زي ستار اكادمي ؟ اممممممممممم يعنى هوا ممكن يكون مسلى بس مش مـــفــــــيد

كــــــــفــــــــــايــــه بقا انا استسلم :pale:

جملة ايــــــه؟؟؟؟؟؟!!

مش عارفه يا عبد الرحيم يمكن ردودك ساعات تكون مش متوقعه
وبعدين ما تاخدش على كلامى يعنى

بتجبى السفر؟ طبعا
بتقعدى كام ساعه تقريبا على النت؟ عادة ساعتين بس انهارده عشان كنت مشغوله ف قراية روايه طولت شويه ووصلت لاربعه
بتحبى الأطفال؟ تقريبا بحب براءتهم مش نكدهم وقرفهم
ايه هو احلى قسم بتحبيه فى المنتدى؟ ع القهوه
لما بتضايقى من حاجه بتشكى لمين؟ لنفسى
ايه هو كتر موقف حصلك وخفتى منه؟ مش فاكره
موقف فرحك من قلبك ؟ لما هشام بعتلى فيلم الفين :D
موقف وحش اتحطيتى فيه وعمرك ما هتنسيه ؟ لما اكتشفت انى نسيت فلوسى وما قدرتش اركب مواصلات
ايه أكتر أكلة بتحبيها ؟ الفراخ المشويه
اكتر اكلة بتكرهيها؟ الكفته
اكتر مشروب بتحبية؟ عصير الفراوله
مشروب مش بتحبية؟ اللبن
الاغاني المفضلة عندك؟ بعشق الأغانى الوطنيه والحزينه
- البت اللى تكلمنى وترضى تمشى معايا مش حتجوزها
" دة مبدأ ناس " ايه رئيك فى الكلام ده لو حد قالهولك
هوافقه عليه طبعا دا اذا ما كانش بيوجههولى انا

- اكتر لون بتحبيه ؟ البمبى
امنياتك فى الحياه ايه ؟ زى ما قلت اتفوق ف دراستى واعيش حياه مستقره
- اكتر صفه فيكى بتستفذ ناس حواليكى ؟ دا بقى رأى الناس انا معرفهوش
- اكتر صفه موش تحبيها فى نفسك ؟ العصبيه الزياده
- ايه اللى بيغيظك فى حياتك ؟ الله أعلم
- ايه نقطه ضعفك ؟ No comment :lol!:
- كلمه منك لله تقولها لمين ؟ لهشام :geek:

الكلمات دى تقوليها لمين :

انت او انتى خاينه : محدش

الله يخربيتك : ايه الغل دا محدش بردو

اشوف فيك يوم : حسنى مبارك

هنساك : :scratch:

انت نسيت نفسك : مـحـدش


الكلمات دى بتمثلك ايه :

الليل : الخوف :pale:
الشتاء : البرد :lol!:
السما : كل حاجه جميله خصوصا لو كانت صافيه
البحر : الرهبه
النجوم : الهدوء والشاعريه

ربنا يعيننى :(

اه من الواضح كدا
لا بس واجب ايه ما يصحش كدا انتى وراكى امتحانات ومشغوله يعنى مش وقت واجبات وعلى ما تخلصى أكون أنا فكيت
ربنا معاكى ويسهل للى جاى

عبير الورد كتب:

[color=indigo]صحيح ..ميرسي عالوردة
وجزاكي الله كل خير بسوم

ودا بقى بوكية بحاله مني ليكي



سؤال عالماشي كدا

اوصفي نفسك في سطرين او تلاته؟؟
ليه كدا هوا انا هحكى قصة حيااتى
أنا هسألك انتى السؤال دا وهقولك اوصفينى ف تلات سطور :D
وانا راضيه باللى هتقوليه

في حياتنا دروس بنتعلمها ...اذكري شوية
يعنى اتعلمت الصبر من مواقف كتيييره وكفايه كدا


في اشخاص بتاثر فينا .. ونتعلم منهم ..اذكري مين وايه اتعلمتيه منهم
سواء من خارج او داخل نطاق العائلة
اصحابى عودونى على الجرأه ف الكلام وانى يبقى ليا شخصيه
وعبير الورد علمتنى ابقى ليا دور ف المجتمع
لو قسمتي حياتك مراحل ..اوصفي كل مرحلة فيها
مرحلة الطفوله :كانت أروع مرحله ف حياتى كنت زى الأميره وسط العيله واللى ساعد على كدا انى اصغر واحده والبنت الوحيده
مرحلة التفوق :الجزء التانى من مرحلة الطفوله من بداية الدراسة لحد رابعه ابتدائى تقريبا كنت دايما اجيب نهائيات وكنت متفوقه ف كل حاجه
مرحلة ال : بدأت انزل ف مستوايا معرفش ليه ودا كان من بداية خامسه ابتدائى لأولى اعدادى
اخر حاجه بقى تانيه اعدادى بحاول استعيد التفوق بتاع زمان وربنا يستر على نظام الثانويه الجديد[/color

وبس

كان نفسي اسالك كتيييييييييييييير

لا كفايه كدا خلى الكتير دا بعدين

انا جيييييييييييييييييييييييييييييييت

لو معاك وردة تعطيها لمين ؟

*ايه احلى خبر مر عليك؟

* ايه الامنية اللى نفسك تحققها؟

* لو حسيت ان فى حد مضايق منك تعمل ايه؟

* قولى مصيبة عملتها وانت صغير؟

* ايه افضل اكلة ليك؟

* وايه افضل مشروب؟

* ايه احساسك وانت بتطبخ اول اكلة؟

* ماذا تعمل لو اصبحت رئيس الجمهورية؟

وانتى اكيد راضية بكلامي

طبعا امال ايه

مع اني كان نفسي اعرف نفسك من وجهة نظر نفسك !!!
ان امكن ياريت

طب انا مش لاقيه حاجه اقولها بعد اللى قلتيه دا كله بس هضيف شوية حاجات
-دايما بحب التغيير محبش حاجه معايا تفضل ثابته زى ما هى فبحاول اغير كل شويه ف اى حاجه عندى بس بقدر الامكان
-من عيوبى انى مش اجتماعيه للدرجه يعنى ومش بتكلم كتير لما يكون فيس تو فيس لكن اى حاجه تانى زى الشات او المنتديات زى كدا بتكلم عادى على طبيعتى

-وعندك حق ف انى لما بضايق بقفل وتلاقينى مش بتكلم كتير وساكته معظم الوقت بس دا لسبب انى مش عاوزه اتكلم وانا مضايقه لان اللى قدامى ممكن يفتكرنى مضايقه منه او مش طايقاه او حاجه زى كدا

وبس كدا:afro:



 

بصي يا بسوم لو الاسئلة كتير ..او في حاجات مش عاوزة تجاوبي عليها
براااااااااااااحتك عالاخر انا مسامحة
شكلي تقلت العيار شويتين .

عبير الورد كتب:

طب خدي دول

احكي موقف ...مضحك..وواحد محرج :مره سلمت على واحده اعرفها وازيك وعامله ايه وبعد دا كله لقيتها بتقولى انتى مين قلتلها مش انتى فلانة الفلانية قالتلى لأ وتخيلو شكلى بقى عامل ازاى

...وكمان واحد حزين مفيش الحمد لله

.. وموقف قولتي لنفسك بعديه ..ايه الغباء دا : اعتقد مفيش

...وموقف اعجبتي بتصرفك فيه: كتيييير:afro:

..واي موقف تحبي تحكيه لا مفيش

قولي الاماكن دي بتمثلك ايه ؟
سفاجا :مصيف جميل وبحب اروحه دايما

.. الغردقة مكان جميل يعنى بس مش بروحها كتير يعنى

..اسكندرية لا كله الا دى بحبها موووت رغم انى ما رحتهاش غير مره واحده لكن نفسى اعيش فيها

..القاهرة بلدى التانى

.. اسيوط ربنا ما يخلينى محتاجالها ابدا

..قنا بلدى وليها سحر خاص عندى

...اسوان تحفه نفسى اروحها كل سنه

..الاقصر عادى يعنى مش بتمثللى حاجه بس حلوه برده

قولي رايك في شباب الجيل دا (ولاد وبنات )..من كل ناحية ..تفكير اهتمامات ..اي جانب انتي شيفاه
بصى هوا فى محترم وفى غير محترم وغير المحترم حاساه بيزيد ودا اللى هتكلم عنه ........بقى فى استهتار ف التفكير وعدم مسئوليه وصيحات الموضه اللى طالعه اليومين دول واللى جايه من بره بقى فى تقليد اعمى لبعض الشباب الولاد والبنات واللبس بقى مستفز جدا زى مثلا البنطلون الواقع القميص اللى طوله فوق الكامر.........تقريبا معظم البنات بقى لبسهم حاجه لا تطاق و الحجاب الكاجوال اليومين دول برده وانا من رأيى اللى زى كدا بتبقى تقريبا حاسه بالنقص ...........تقافة البوى فرند والجيرل فرند والحرية الشخصيه وايزى خالص دا كله بسبب الابتعاد عن الدين ودا من احد اهم الاسباب اللى بتؤدى لتدهور احوال البلد ودا اللى حاصل دلوقتى

رايك في النت ؟؟؟
زى ما هو مفيد جدا برده ضار جدا ودا على حسب الشخص اللى بيستخدمه

رايك في المجتمع؟؟؟ طبعا ما يسرش الأيام دى بس مش بايدينا

اسم روايه عجبتك جدا ولحد دلوقتي فاكراها : والله فى كتيير جدا بس انا فاكره منهم اخر حاجه مخلصاها وهى لعبة الموت لألفريد هتشكوك ودى عباره عن مجموعة قصص ف نفس الكتاب

واسم رواية معجبتكيش وليه ؟؟؟ لا مفيش أى روايه مش بتعجبنى والا ما كنتش اخترتها عشان اقراها

وايه اكتر مجال بتحبي تقري فيه ..ولمين ؟؟ البوليسى والاجتماعى.......غالبا لنبيل فاروق


لو كنت مسؤلة عن التعليم ..هتعملي ايه ؟؟..فشي غلبك في السؤال دا

كتيييييييير .........اول حاجه هزود مرتبات المدرسين عشان يحبوا شغلهم ويشتغلو بضمير تانى حاجه هخلى الثانويه العامه دى سهله بحيث تبقى زيها زى أى مرحله دراسيه تالت حاجه بقى هاحسن نظام التعليم واحاول اخلى الطلبه يحبوا المدارس مش يكرهوها دا غير التفاصيل هخلى لكل طالب خزنه ف المدرسه بحيث تنتهى حكاية ان الطالب يشيل 10 كيلو كتب فوق ضهره و اهتم بالمعامل والخ......الخ.......الخ

لو في شخصية خنيقة ..وجات وحبت تتكلم معاكي ..هتتصرفي ازاي؟؟ معلش هحاول ازوحها بالذوق
ولو في شخصية انتى عايزة تكلميها بس متعرفيهاش ..برضة هتتصرفي ازاي؟؟ لو محتاجه اوى انى اكلمها هحاول اتعرف عليها واكلمها
لو حد جيه قلك الشخص الفلاني .دا كذا وكذا وكذا ....هتتصرفي مع اللي قالك ازاي ..وبعد كدا ممكن تاخدي على كلامة ولا تتاكدي بنفسك ....ولا ايه ؟؟؟؟ اول حاجه هسأله مين قالك الكلام دا وجبته منين وهاتلى دليل قاطع يأكدلى صحة كلامك وبعد دا كله هتأكد من كلامه تانى برده عشان ما اعملش اى تصرف من غير ما اكون متأكده جدا من كلامه
لو غلطتى في حق حد ...وانتى متضايقة من نفسك موت ..هتتصرفي ازاي ...؟؟ هكلمه براحه واحاول اعتذر بطريقه غير مباشره مع انى مش بحب اعتذر لحد وباتجنب انى اغلط ف حد عشان ما ابقاش مجبره انى اعتذر
لو حسيتي ان حد زعلان منك ...بس انتي مش غلطانة ..هتعملي ايه ؟؟؟ هافهمه واحاول اقنعه ولو ما اقتنعش هوا حر
ولو حسيتي ان حد متغير معاكي ..وانتي برضة مش عملتي حاجة ..تعملي ايه ؟؟
اشوف الأول هوا متغير معايا ليه دا اذا كان احساسى صح

ايه اكتر حاجة بتحبي تعمليها عالنت :أقرا

...في البيت :أشوف التليفزيون او اقرا برده

...في المطبخ : اكل:D

...برة البيت. ؟؟؟
لما بتخرجي ..ايه اكتر خروجة محببة لنفسك ....وايه اكتر مكان بتحبية؟؟؟ انى اروح ازور قرايبى او اروح اى اماكن ترفيهيه زى الكورنيش..البسمة...نادى البحر بس بشرط اكون مع قرايبى برده

امنية اتمنيتيها ومتحققتش؟ اتمنيت انى اروح القاهره الاجازه اللى فاتت وما رحناش

بتعملي ايه دلوقتي غير الاجابة عالاسئلة ؟؟ باقرا:D

كفاية كدا ...الرحمة برضة ههههه....
وانا تعبت من التفكير ....ولو جيت ولقيتك لسه قاعدة ...يبقى ربنا يسهل

اخيرا خلصت تالت مره اكتبهم دول وكل شويه النت يفصل ومعلش عالتأخير بس ما كنتش فاضيه خالص اليومين اللى فاتوا دول

و بما انى خلصت دلوقتى فبرشح سمر

وانا كمان

لاااااااا بس فلتتى من الورطه ف اخر لحظه وانا بقى المره دى مش هسيبك تفلتى تانى

لا يا اختى براحتك خااااااااااالص وانا بصراحه مش فاضيه اسأل فاحنا هنشوف الباقى والله لو حد جه سأل كان بها لو ما حدش فاضى برده يبقى حظك ومعاكى لحد السبت الجاى بعدها يبقى ترشحى اللى عاوزاه

شويه اسأله لسمر
س1:أين تجدين السعاده؟


س2:ماهي أحب الأعمال إليك , وتجدين المتعه من خلالها؟


س4: دعاء دائما تلازميه في كل الأوقات؟


س3:عندما يمنعك ولي أمرك عن بعض الزيارات ماهي ردة فعلك وماهو تصرفك؟

س5:عندما لا تنفذ لك بعض الأوامر وأنتي لاتستغني عنها , ماذا يحصل لك , وكيف يكون حينها تصرفك؟


س6:أفضل الأوقات لديك؟
س8:شيء ما ضايقك كثيرا كيف تستطيعين التغلب على هذا الشعور؟

س/ماهي مميزات شخصية فاارس احلامك ؟
-هل حبيتى من قبل؟
2-هل تشعرين بالفراغ العاطفى؟
3-هل تبحثين عن نصفكـ الاخر؟
4-هل انتى مزاجيه؟
5-هل انتى معقده؟
6-هل تشعرين بالملل؟
7-هل لديك ذوق باختيار ملابسك؟
8-هل لديك الشجاعه والصراحه ان تقولى اسمك بالمنتدى؟
9-هل تحبين شخص بالمنتدى؟
10-ماذا تصفين شكلك العام؟
11-هل تمت خطبتك ولم يتم شىء بسبب رفض الخاطب لكِ؟
12-ما الصفه الي تطلق عليكـ غالبا؟
13-من هو العضو الى مزهقكـ فى المنتدى؟
14-هل انتى مغروره وشايفه نفسكـ؟
15-هل انتي حنونه؟
16-هل كذبتى مره كذبه قويه ومشت عليهم ؟؟
17-تحسين ان فى شىء ناقص فى حياتك وما تعرفين السبب؟
18- هل ندمتى على قرار اخذتيه بحياتك؟
19-تحسين انك مظلومه؟
20-هل انتى غيوره؟

انا برشح soul1leader

اظن هوا اللى ورطنى

عبدالرحيم كتب:

انسان ايجابى

شكرا ربنا يكرمك

مكنتش متوقعه الرد دا والله ههههههههه بعد راى مدام سحر ورايك
يلا ياجماعه كدا الاصوات متساويه عايزين صوت فاصل

بدات عملية ترشيح عضو وفشلت ما لازم تفشل مش انا دخلت فى الموضوع

هع هع هع هع هع هع هع


ودلوقتى













بنرررررررررررررررررررشح













هيييييييييييييييييييييييييييييييييييييييثم


ونحب نقوله نورت المنتدى والورطة كمان