عضو فى ورطة(رشح عضو)

كيف
تنظر للحياة (بشكل عام)؟
الحياة سهلة وصعبة .... حلوة و وحشة ... بس اصعب شىء انك تواجه الحياة لوحدك

-لمن تقول:

شكرآ لمدرب التنمية البشرية حمزة كمال

ليش لانه وقف معايا كتيييير وليه موااقف جدعنة اوووى

عطيتك عمري لحبيبى طبعا امال ليكى ههههههههههههه

فديتك هى دى تفرق عن عطيتك عمرى بس برده لحبيبى

طفشتني دى بقى ليكى يا سمر ( وش بيطلع لسانه )

دمك خفيف واحدة معايا فى الدفعة

متفائل مش عارفة مفيش حد معلق فى بالى انه متفائل على طول

-من هو أكثر عضو تشعر بالرهبة منه؟ اممممممم مش عضو بس حد بحترمه اووووى
وهى بنت قدى

-جائزة أحسن
أخلاق لمن تعطيها ؟
لنفس البنت

-جائزة أفضل عضو على الإطلاق ؟
كلكم

-العضو الذى
تتمني أن لا يدخل المنتدى مرة أخرى؟
انتى يا سمر هههههههههههههه

-جائزة الجندى المجهول بالمنتدى لمن؟
يعنى ايه اصلا الجندى المجهول

-جائزة العضو النشيط؟
لسمر

-العضو الذى تقول له (لا حرمنا الله منك)
كلكم

-من هو أشرس عضو ؟
زينب كمال

-من هو أمكر عضو ؟
زينب برده

-عضو مثقف؟ عبد الرحيم بس فى مجال التنمية البشرية ممكن مش عارفة


-عضو مرح ؟ هشام

-عضو شاعر؟ محمد خالد بما انكم قلتوا بيكتب قصايد

-عضو ذووووق.؟ محمد نصر

-عضو دلـــوع ؟ دلوع حضرتك احسها صفة للبنات ومفيش غيرك بس بعدك
لا مفيش عضو دلوع

-عضو روومنسي؟ هشام


-عضو تتخيل شكله وقولي وش تتخيلت ؟
اتخيل شكله ازاى بذمتك انا اعرفكم كلكم اصلا مفيش غير عبير الورد اللى انا معرفش تبقى مين اممممممممم شكلها حد عاقل وهادى بس متخليها العكس

-عضو تحسه حلوووو؟ هشام

-عضو طيب على نياته؟ هشام

-عضو شعبيته كبيره ومحبوب عند غالب الاعضاء؟ محمد نصر

-عضو تحسه برييء براءه اطفال ؟ هشام

-لديك مجموعه من اللافتات وتريد توجيها لبعض
الاعضاء...؟؟

راجع ضميرك عند الكتابه ....؟؟ كلنا

لا تقلل من نفسك انت
اكبر من هذا ..........؟؟ لنفسى

انا اتابع ردودك.... كلكم

مواضيعك تدل على ثقافه
عاليه ......... عبد الرحيم

يفضل ان تنسحب من المنتدى ......... محدش كل واحد بيضيف جديد للمنتدى


- ما الخط
الأحمر الذي عجزت عن تجاوزه؟!!
حدودى فى الكلام مش بقدر اتجاوزها فى اغلب الاوقات


-كلمة توجهها للمشرفين
عامة00؟!!
اتقوا الله

-هل لديك اقتراح جميل تتمنى وجوده في هذا
المنتدى؟
مش اقتراح بس اتمنى المنتدى يكون فيه تفاعل اكتر


فى اجابات كتييير هشام
يبقى كده هشام هو اللى كسب
وبالتالى هيدفع لى عشرة جنيه ونص

شخص تتمنى سمية مقابلته؟

شخص تتمنى سمية الا تقابله؟

برايك ما الحل الذى يمكنه إصلاح شان المسلمين؟

مقولة سمية ماشية بيها؟

حاجة سمية لا يمكن تعملها؟

أسعد يوم فى حياه سمية؟

ماذا تفضلى المال أم الفقر؟

فيلم كارتون سمية بتحبه؟

رأى سمية فى فريق سول تيم؟

هل هناك تجربة حب عند سمية؟

أكتر يوم سمية كانت محرجة فيه؟

لو مع سمية ولدين واحد تعبان فى المستشفى والتانى إتخطف والاتنين كل واحد فيهم لازم تدفعيله ألف جنيه وإنتى معكيش غير ألف واحدة تختارى مين؟

حاجة متوقاعاها فى 2010؟

لما بتنامى بتشوفى أحلام ولا كوابيس؟

هو دا اليوم اللى أنا مستنيه

ومعانا إتصال تليفونى من سمية ونحب نسألها كام سؤال كدا

ايه ده الخط قطع تيت تيت تيت
حظ السعيد المرة القادمة
اعد المحاولة ربما تلاقى حد ههههههههههههه
بهزر يافندم هجاوب على طول

1-إيه الحاجة اللى ممكن تفرح سمية؟
ان الاقى حد واقف جنبى


2-إيه الحاجة اللى ممكن تزعل سمية؟
انه حد ميثقش فيا


3-حمامة زاجل وقفت على شباك بيتكم معاها رسالة من مجهول
فمن من تتمنى ان تكون...............؟؟؟
من حبيبى اللى هو مين الله اعلم


4-رتبى الكلمات دى على حسب الاهمية بالنسبالك
(الأسرة - المستقبل الوظيفيى - الكرامة وعزه النفس - الاصحاب - شريك الحياه)؟
الكرامة وعزة النفس - المستقبل الوظيفى - الاصحاب -الاسرة - شريك الحياة
ده ترتيبهم بالنسبة لبعض يعنى مش شرط اول حاجة اختارها تكون اول حاجة فى حياتى
ويمكن بعدين يتغير الترتيب كل وقت وحسب


5- موضوع فى المنتدى كانت سمية نفسها تكتبه؟
موضوع دورات الفوتوشوب


6- المكان المفضل /الاكلة المفضلة / أقرب الاصدقاء ؟
النت مكانى المفضل لان كونت عليه مجتمع وعالم وحياة خاصة بيا
الاكلة الكشرى بموووووت فيه وبحب سندوتشات البورجر والشاورما فراخ
بنات خالتى وصحبتى شيرى دول اقرب حد ليا

7- حلم سمية إيه؟
حلم سمية مش حلم واحد مع انها متلخبطة ومش بترسى على حاجة فدايما بيتغير
دلوقتى بين حلمين ابقى صحوفية كبيرة قد الدنيا واشتغل فى وكالة انباء عالمية يعنى من الصحفين والناس اللى ليهم وزنهم حلوة وزنهم دى
والحلم التانى اكون مصممة لاغلفة كتب واشتغل فى المجلات فى حتة التصميم


8- أخر حاجة بتفكر فيها سمية قبل ما تنام؟
التفكير هواية عندى طول اليوم بفكر ومع انى بنام لما بكون فصلت فمببقاش عندى وقت افكر بناااااااااااااااااام على طول


9- لم بتكونى زعلانة أول حاجة تعمليها إيه؟
لغاية 3 ثانوى كنت ببكبى جاااامد اوووى نكد بعيد عنك تعمل ايه ههههههههههه وكنت برده بكتب
دلوقتى مش عارفة بعمل ايه لان خلاص بقيت بنفض واكبر دماغى
بحب لما اتضايق احط ال mp3
واشغله وانزل امشى لوحدى واروح مكان ما اروح بس طبعا معنديش الحرية دى ولا الثقافة دى


10- لو ينفع يخيروكى فى إسمك قبل ما تتولدى تختارى إسم إيه؟
دعاء اسم احلى بنت عرفتها

11- إيه اللى كانت متصوراه سمية فى الجامعة ولما دخلت الجامعة ملقتهوش وايه اللى لقتيه؟
كنت بسمع من اختى عن الدكاترة الحترمين اوووى اللى عندهم لما دخلت اتصدمت فى المعاملة والدكاترة اللى عندنا حتى الدفعة سواء بنات او ولاد اتصدمت

12- لو كانت سمية رئيس جمهورية أول حاجة تعملها؟
هركز على نظام التعليم وهيبقى لغاية الثانوى بس والجامعة مرحلة للى يحب يكمل ويتخصص يعنى هيبقى كده حاجة غير الهبل والتحطيم اللى عندنا اللى بيسموه تعليم


13- حاجة واحدة محدش فى الدنيا ابدا يعرفه عن سمية؟
هو لو محدش يعرفها هقولها ازاى


14- اللون المفضل لدى سمية؟
الالوان الهادية بتشدنى والاخضر اكتر


16- إيه الأسامى اللى سمية هتسميه لأولدها ولاد أو بنات؟
بالنسبة للولد اسم يكون فيه قوة ممكن اممممممممم خالد او عصام
وبالنسبة للبنت اسم يكون رقيق وبناتى ضحى او دعاء يارا
بس لو مكانش موافق ممكن نتفق على اسماء غيرهم شفتوا الديمقراطية ههههههههه


17- لو جالك تقدير إمتياز فى أخر سنه هتتقدمى فين؟
هسافر كايرو وابدا اتدرب ده لو حد سابنى اسافر طبعا


18- إيه مواصفات فتى أحلام سمية؟
اول حاجة يكون طيب اوووووى مش بقول عبيط ولا يسمع كلامى يكون طيب
ويكون عنده اخلاااااااااااااااااااااااق وحافظ من القران او بيعرف يقرا كويس
بيبحب الاطفال او على الاقل يكون اب بمعنى الكلمة مش دكتاتورى ولا مش بيعرف يتعامل معاهم


19- تجربة خاظئة عند سمية؟
معلش بلاش اجاوب عليه


20- قصه نجاح لسمية؟
لما بدات اكتب لاول مرة فى مجلة وكانت على الفيس بوك فى باب التنمية البشرية فى اخر 3 ثانوى وكنت عارفة انى مش هعرف بس حد وثق فيا والحمد لله مخيبتش ظنه والمجلة كملت للعدد الرابع وبعدها وقفت دى يمكن بدايتى الرسمية فى الكتابة بعتبرها بداية نجاح

ممكن مجموع 2 ثانوية كان نجاح كبيييييير جدااااا ليا وتحدى الحمد لله عديته

شخص تتمنى سمية مقابلته؟
اكيد حبيبى بس قلنا لما الاقيه


شخص تتمنى سمية الا تقابله؟
اى شخص جرحنى او ضايقنى بكلامه حتى لو مسمحاه


برايك ما الحل الذى يمكنه إصلاح شان المسلمين؟
الاخلاق
يمكن الاجابة متكونش منطقية او مش مقنعة


مقولة سمية ماشية بيها؟
عاوز الحق من بدرى واقفة مش بعمل جديد ويمكن العكس برجع
بس بحب المقولة دى
Be Strong enough to Face the word every day
وكتيييييير ايات قرانية بحبها


حاجة سمية لا يمكن تعملها؟
الكدب


أسعد يوم فى حياه سمية؟
نتيجة 2 ثانوى


ماذا تفضلى المال أم الفقر؟
اقولك الفقر اكييد اى حد بيحب المال هخلينى واقعية
بس استنى
حسب لو المال مش هيكون سبب فى سعادتى او معايا فلوس بس مش معايا ناس بتحبنى وبحبها
لا خليه الفقر اوكى اساسا الفقر عمره ما كان حاجة وحشة


فيلم كارتون سمية بتحبه؟
مولان الجزء الاول والتانى

رأى سمية فى فريق سول تيم؟
ايه ده انت بتزنقنى ولا ايه على الهوا كده طيب بعد ما نخلص تسجيل هههههههههههه
اللى اعرفهم من فريق سول تيم بجد شباب ربنا يكرمه ويبارك فيه

هل هناك تجربة حب عند سمية؟
ايوة

أكتر يوم سمية كانت محرجة فيه؟
امممممممممم مش فاكرة من بدرى قاعدة افتكر مش فى بالى


لو مع سمية ولدين واحد تعبان فى المستشفى والتانى إتخطف والاتنين كل واحد فيهم لازم تدفعيله ألف جنيه وإنتى معكيش غير ألف واحدة تختارى مين؟
اللى اتخطف لان التعبان الفلوش مش هتعالجه ربنا كاتب له عمر هيموت فيه لو معايا مليون مش الف بس برده هحاول لو اقدر اللى اتخطف اجيبه بطريقة غير ان ادفع الفلوس او اجيب الف تانى من اى حتة

حاجة متوقاعاها فى 2010؟
ارتاح من اللاخبطة اللى فى دماغى وافهم

لما بتنامى بتشوفى أحلام ولا كوابيس؟
بحب انام لما اكون فصلت عشان محلمش واكتر سبب انى بنام متاخر او قرب الصبح عشان محلمش باى حاجة
مش بحب الاحلام

مش عارفة احل حاجة يا مستر الاسئلة صبعة مووووت ومحرجة حبتين

باك اجين يا سمية
منور

مواصفاتك/شخصيتك/مظهرك/ميلادك/هواياتك
مواصفاتى : بالنسبة للطول قصيرة او اميل للقصر وبالنسبة للوزن كويس وبفكر اخس شوية بالنسبة للجمال عادى بالنسبة للشخصية عامة احسها شخصية زى العسل هههههههههههههه معرفش بصراحة
شخصيتى : شخصية حساسة وهادية وطيبة كتيير وملخبطة اووووووى وبتميل للوحدة احيانا لما تلاقى ان اللى حواليها بدوا يضايقوها
شخصية لغاية دلوقتى ملقيتش حد يفهمها صح حتى من صحابها وبتخاااااف جداااا من اى حاجة
مظهرى : مش بيهمنى او يمكن مش فى دماغى دلوقتى لانها بجد مكركبة اووى دماغى
ميلادى : يوم 9 شهر اغسطس عام 1992 يعنى مش قديمة اوووى هههههههههه
هواياتى : هواياتى مش لانها هواياتى وانى متميزة فيها بس الظروف فرضتها عليا وانا وافقت اللى هى الكتابة والقراءة والنت والكمبيوتر والتفكير دول هواياتى انما انا شخصيا بحب الموسيقى موووووووووووت وقرررريب هبدا اتعلمها ان شاء الله

2*مواصفات فتى احلامك؟
مش مواصفات شكلية قد ما هى معنوية يعنى يهمنى شخصيته قبل اى حاجة تانى
و زى ما قلت طيب اوووى وعنده اخلاق وحافظ القران او بيعرف يقرا كويس ويكون اب بمعنى الكلمة

3*هل تجدها في احدى أقاربك؟
لا بصراحة مبدورش عليه لان لو لاقيته هعمل ايه يعنى هقله تعالى اتجوزنى لان فيك المواصفات
اللى يتقدم لى لو فيه المواصفات ونصيبى معاه اوكيه لو لا خلاص كله فى الاخر نصيب ومهما كان اكييد خير

4*هل سبق ومررتى بتجربة حب من طرف واحد؟
معرفش

6*هل انتى في علاقة حب /هل هو نصفك التاني؟
دلوقتى لا الحمد لله - اللى هتجوزه هو اللى هيكون نصى التانى محدش غيره

7*هل خسرتى حب حياتك؟
لا لانه مكانش حب حياتى ومكانش حب اصلا كان عادى زى اى بنت فى المرحلة دى مش اكتر وخلاص الواحد كبر وعقل ههههههههههه حلوة عقل دى

8*هل تجد نفسك غبيا احيانا امام اصدقائك؟
ايوة اكتشفت اانى غبية مرة واحدة لما صدقت انهم اصحابى

9*مع من كان لكى اول سوء تفاهم؟
مع اختى داااااااااااااااااااااايما بس لما بدات اخرج من انطوائيتى واتعامل مع الناس اكتشتف انهم مختلفين جدااااااااااااااااا عنى فى كل حاجة بالذات فى طريقة تفكيرى وتعاملى مع الامور وخاصة انى تلقائية فى كلامى شوية فبقيت بعك مع الناس كلها


10*من كان اول مرحب بك؟
مش فاهمة السؤال

11*كام مرة سمية إضربت من المدرسين؟
فى المدرسة اتضربت اه بس مش كتير فى الدرس كان المدرس لوحده يخوف من غير ضرب صحيح كنت بذاكر بس مكنتش فاهمة ولا حاجة هههههههههههههههه

12*كام مرة سمية عملت مشاكل فى المدرسة؟
ولا مرة عملت مشكلة لان عارفة مش هتلاقى حد يقف معاها وهتطلع غلط فى الاخر


13*إيه اللى يخلي سمية طايرة من الفرحة؟
لما تلاقى حد واقف معاها بجد وواثق فيها


14*إيه الكلمة اللى نفسك تسمعيها؟
متخافيش احنا معانا مهما يحصل


15*إيه الكلمة اللى نفسك تقوليها؟
متضغطوش عليا كده كفاية اووى لانى فيا اللى مكفينى

عرفى سمية فى نص سطر؟؟
شخصية غلط دايما

2- باقة ورد لمن تهديها ...؟؟
لكل حد ساعدنى خاصة مدرب التنمية البشرية حمزة كمال

3- باقة شوك لمن تهديها ...؟؟
مبحبش ااذى حد او اسيب لحد ذكرى وحشة حتى لو كان مضايقنى

4- اسوأ خبر سمعتيه...؟؟
انى ممكن اسافر كلية الالسن لو احب كان اسوا خبر سمعته

5- شخص لاترفضى له طلبا ..؟؟
اكييييد حبيبى بس دلوقتى لا معتقدش فى حد ممكن مرفضلوش طلب عشان شخصه مهما كان الطلب لان بطبعى لو اقدر اعمل الحاجة اكييد هعملها

7- ماهي التجربه التي تتمنى تكرارها ...؟؟
سنة 3 ثانوى اتمنى انها تتكررعشان اجيب مجموع

8- من هو توأم روحك ...؟؟
بنت خالتى ايمان شبهى جداااااا فى الطباع والشخصية وقررررررريبة جدااااا منى

9- ماهو اكثر شئ تخشيه...؟؟
انى اتحط فى موقف وابقى مجبرة اتصرف لوحدى والاقى الكل اتخلى عنى

10- مالذي يشعرك بأكثر قدر من الحرج...؟؟
ابقى فى موقف الناس تفهمنى غلط جداااا كالعادة وفى نفس الوقت ابقى مش قادرة اتكلم ولا اخرج نفسى من الموقف

11- جريمه تتمنى ارتكابها...؟؟
هههههههههههههههههه لا مبفكرش فى السجن من دلوقتى
بجد معنديش الميول دى نوهاااائى

13- قطعة فحم صغيرة وجدار نظيف ماذا سترسمى عليه ...؟؟
هشخبط لانى مبعرفش ارسم صح

14- ماذا ستكتب تحت الصوره الي رسمتها ..؟
هكتب سمية

عرفى الاسماء التاليه

عبد الرحيم : شخصية عاوزة تنجح
هشام : شخصية بتحب الهزار
سمر : شخصية لذيذة اووووووى وبحبها جداااا من اول مرة عرفتها على النت
محمد خالد : شخصية متعاملتش معاها قبل كده بس اعتقد انه شخصية ذكية
محمود يس : شخصية احسها مش بتميل للجدية
محمد نصر : شخصية دايما بتخلينى مستغربة و بتبهرنى احيانا

انا جيييييييييييييييييييييييييييييييييييت
5 دقايق وهستلمك اسئلة يا سمر بس افتكرى انتى اللى كتبتى الموضوع دا خلاص