الولد بيرسم حلو

الواد بيرسم حلو
الواد بيكتب شعر
الواد فاكرها بجد
و كل شئ له حد

الواد بيرسم بيت
رافض يدخل حد
ناوي يفضل بعيد
ناوي يكمل وحيد

الواد بيرسم سور
بينه و بين الناس
بيعلي فيه برسمه
والناس تقول فنان
يرسم كمان و كمان
و السور يلم الناس

الواد بيرسم بيت
و سقفه واقع فحت
والواد باصص لتحت
و البيت غريب
بياضه ناشع
و سقفه واقع
مرسوم بلون اسود كئيب

الواد وقع
محدش سمى عليه
تصدق !!؟
محدش حس بيه
بجد والله
ولا حد خاف عليه
حتى لو قلبه انخلع

الواد بيرسم حفرة
باللون الأسود
ورا السور
في ركن البيت
جنب قلمه
ده قبره

الواد مات
كان نفسه يبدع
كان نفسه يبقى
صلاح جاهين
بس كان ولد بيكتب على قده
------------------
كلمات .. محمد أيمن إسكندر

» عدم المساواه الحقيقة بين الولد والبنت