الف ليله وليله

موضوع: الف ليله وليله الخميس يوليو 15, 2010 10:57 pm

بلغنى أيها الملك الرشيد .. ذو العمر المديد .
أن البلاد قد أمتلأت بالفساد . تقولشى هوجة جراد وهكذا عم الخراب .. ووقوق الغراب .. وأرتفعت الأسعار فصارت يح نار .. وشح الفول .. وصار العدس والفاصوليا كلحم العجول .. وأضحت الناس فى لوثة وحيرة . تئولشى ضاربين بانجو و بيرة .. فأين ذهبت الوعود .. وكيف تحول برنامج الرخاء والعيشة الفيفخاء الى كلام فارغ وخواء .. لماذا أنحشرنا فى عنق الأزازة .. بعد أن أنبئونا باللحمة والفخامة .. وكمان بلحوم الطير فلم نجد سوى الجوع وخواء الفريجيدير .. حقآ ، يالنا من حمقى !! عندما صدقنا وعود بألف شقة وحانة .. كفاية بئه كرت على قفانا وهنا أصبح الغضب يغلى فى الصدور .. والزهق معادش مستور .. والعوق لا محالة جاى جاى .. وفى ليلة منيلة بنيلة .. تجمع الناس هيلا بيلا وقرروا الخروج فى مظاهرة مهولة ..وهنا خرج السلطان يتلو بيان ثم بيان .. قال البيان أن الخير آتى آتى لحد البيبان .. وفات الكتير وباقى القليل .. وهنا خرج وزير دعايته فاسوخه ..بالأسطوانة أياها المشروخة .. يحكى عن ماتم من الأنجاز . وقد قارب الناس على حرق روحهم بلترين جاز .. فضرب السلطان لخمة ، وصرخ دى جماهير رخمة ، حد يشوفلى صرفة .. فانبرى الجميع فى تقديم الحلول . فاقترح الوزير النحنوح . بصرف أعانة ميت لحلوح .. ورفض الأبن النصيحة .. وأعلن أن أحنا على الحديدة .. بفضل السياسات الجديدة .. وأنبرى الوزير العادل الثابت .. بضرب المربوط عشان يخوف السايب .. وقال أن الشعب ده . بيخاف ولا يختشيش .. ولازم تسد بئه بحزمة حشيش .. لكن الوزير اللى مش بيحب الستات .. أقترح الهاء الشعب فى الملذات .. ونفرق عليهم ديسكات وسيديهات .. ودى طريقة تمام . مش عايزة غير شوية مزز على ما يرام .. وأستمر الجدال ايام وأيام .. حتى جاء اليوم المكتوم .. اللى صحى الناس فيه من النوم .. ليختاروا بين الحرية أو يرجعوا تانى للنوم .. خرج السلطان الى البلكونة .. فرأى الجماهير زاحفة نحوه ...
وهنا أدرك شهريار الصباح .. فسكتت عن الكلام المباح ...

منقووووول

ايه دة كله لو عايز حاجة مش تقلى بدل ما تحكى لكل الناس

هو انته لوحدك ياريس اللى بتحكى ماانا كمان بحكى

ماانا ماسك الحكاوى هنا

شكرا للمداخله