تفتكر الهجره حل ؟ موضوع محتاج مناقشه

السلام عليكم ورحمه الله وبركاته
ازيكم جميعا يارب تكونوا بخير
النهارده حابه اتناقش فى موضوع مهم جدا وشاغل الناس كلها
وليا اكتر من 3سنين مش لاقياله تفسير تفتكر الهجره حل ؟ موضوع محتاج مناقشه 193582

تفتكر الهجره حل ؟ موضوع محتاج مناقشه 193582

تفتكر الهجره حل للى انت فيه ؟ تفتكر الهجره حل ؟ موضوع محتاج مناقشه Icon_cry

تفتكر انك لما تهاجر وتسيب بلدك بحلوها ومرها
(لشغل - لدراسه لاى سبب كان) حل ؟؟؟؟؟؟
طيب خلينى معاك تقدر تقولى ايه السبب اللى انت عايز تهاجر بسببه؟
عايز تسافر علشان تحقق ذاتك هناك؟ طيب ماتحققه هنا الظروف مانعاك؟ كل مكان وله ظروفه
ولو انت مؤمن بهدفك بجد هتحققه لو مين وقف ضدك تفتكر الهجره حل ؟ موضوع محتاج مناقشه 331808

تفتكر الهجره حل ؟ موضوع محتاج مناقشه 331808

عايز تسافر علشان تدرس هناك حاول الاول هنا ولو مالقيتش اللى عايزه ساف
ر بس متنساش بلدك واول ماتعمل اللى عايزه ترجع على طول وتفيد بلدك باللى اتعلمته
عايز تسافر علشان تشتغل لا والف لا لان هنا فى شغل كتير بس انت اللى مش عايز تشوفه
ليه الشخص مننا عايز الشغل يجيله على طبق من ذهب ويقوله اتفضل اشتغل ليه مايدورش عليه بنفسه
كل اللى بيسافر بيكون جواه طموح خيالى وموافق يشتغل اى حاجه واى شغلانه ممكن يكون رافض انه يشتغلها هنا ممكن يشتغلها هناك وبسهوله ؟؟؟؟؟؟ تفتكر الهجره حل ؟ موضوع محتاج مناقشه 85149

تفتكر الهجره حل ؟ موضوع محتاج مناقشه 85149

نفسى الاقى اجابه لكل التساؤلات دى؟؟؟؟ تفتكر الهجره حل ؟ موضوع محتاج مناقشه 551464

معلش طولت عليكم بس موضوع جه فى بالى وقولت اناقشه معاكم

والله انا الاول بشكرك على الموضوع دة

بس انا عندى تعليق :

انا لو سفرت مش هشتغل اى حاجة لانى عارف نفسى الشغل الى ممكن يجيلى برة
انا لو سفرت وحققت حاجة هرجع تانى لانى بحب بلدى
من حيث الاستفادة بلدى مستفيدة منى برة وجوة
والدراسه هنا زى برة بل بالعكس هنا احسن ليا

والله هو موضوع كويس جداااااااا
بس هقول شئ واحد المواطن ليه كرامه فى بلده مفيش حد ليه كرامه هنا عندك البطاله
اى مواطن جاى من بره هنا له كرامه احسن منينا بمراااااااااااااااااااااااااااااحل

انا عندى رأى الصراحه الهجره بعتبرها هروب من اداء واجبك نحو بلدك وانك تكون ناجح فيها وتضاف اليها وليس تضاف لبلد اخرى بقى الواحد يكبر فى بلده ويعيش فيها ومن خيرها ويوم ما يبتدى يقدم يقدم لبلد غيرها انا عارفه ان الحياة صعبه هنا بس المشكله فى الانسان انه بيعمل بقوة اردته فالحياة صعبة هنا وهناك يبقى الافضل انك تعمل فى بلده على الاقل مش هاتخرج بره تتهان لانك من العرب

لالالالالالالالالالالالالالالا

السؤال فيه كلام
بتقصدى فين جوه وفين بره
انا هسأل سؤال
يعنى ايه وطن
ويوم ما نلاقيه بجد كلنا مش هنسيبه

اقولك ايه الوطن الوطن تراب بتمشى عليه ارض بتديلك اللى جواها عشان تعيش عليه الوطن نيل بيرويك اذا احتجت اليه المشكله ان كل الناس فكره ان العساكر والظباط هما دول الوطن انت بتدافع عن ارض تفضل عايش فيها وتقول ان ده وطنك

انا مش هسيب مصر بحبها
وهيه عارفانى
ونفسى تحبنى زى ما بحبها
وعمرها ما تنسانى
وتبقى امى واخويا وعقلى ودمى
تبقى عنوانى
تبقى وجعى وصوتى وصمتى
اهلى وخلانى
تدينى زى الغريب
القاها وتلقانى
خلص الكلام منى
مصر دى احنا
افراحها واحزانى

بجد ابيات رائعه وياريت كل مصرى يعرف مصر قيمتها ايه {على اسم مصر التاريخ يقدر يقول ماشاء انا عندى مصر احب واجمل الأشياء}

beckham كتب:

طيب الحمدلله ان فى حاجه طلعت هنا احسن من بره
شكرا لمرورك

محمد كنزى كتب:: والله هو موضوع كويس جداااااااا
بس هقول شئ واحد المواطن ليه كرامه فى بلده مفيش حد ليه كرامه هنا عندك البطاله
اى مواطن جاى من بره هنا له كرامه احسن منينا بمراااااااااااااااااااااااااااااحل

شكرا يااستاذ محمد على ردك
الكرامه احنا اللى بنعملها فى اى مكان ومع اى شخص
والكلام دا حضرتك بتقوله علشان ماجربتش
انا الموضوع دا عاملاه مش من فراغ دا من اللى شوفته واللى سمعته من ناس قرايبى
يعنى مثلا ممنوع المصرى يكون مدير فى دول الخليج والسعوديه يعنى مثلا واحد قريبى
اخوه له افضال على صاحب الشركه الكويتيه فردا على جميله حب يعين اخوه مدير لقسم معين
فالموقف دا كان سبب ان اخو الكويتي وشريكه فك الشراكه بينهم وحصلت مشاكل كتير بسبب انه المصرى بقى مدير
تفتكر ممكن الكلام دا يحصلك فى بلدك المصرى متهان جدا بره بس احنا اللى مش شايفين لاننا مش عايزين نشوف

رحاله كتب:: انا عندى رأى الصراحه الهجره بعتبرها هروب من اداء واجبك نحو بلدك وانك تكون ناجح فيها وتضاف اليها وليس تضاف لبلد اخرى بقى الواحد يكبر فى بلده ويعيش فيها ومن خيرها ويوم ما يبتدى يقدم يقدم لبلد غيرها انا عارفه ان الحياة صعبه هنا بس المشكله فى الانسان انه بيعمل بقوة اردته فالحياة صعبة هنا وهناك يبقى الافضل انك تعمل فى بلده على الاقل مش هاتخرج بره تتهان لانك من العرب

تفتكر الهجره حل ؟ موضوع محتاج مناقشه 110190

بصراحه مش لاقيه كلام تانى بعد كلام حضرتك
وغير كدا مهما يكبر بره برضو هيرجع يبتدى من الصفر هنا
وكانه ولا عمل اى حاجه حتى لو بنا فلل هنا ولا هتعمله اى حاجه قصاد انه خسر وده لاهله وقرايبه
وانه هيرجع مش عارف اى حد من قرايبه

احمد كمال كتب:: لالالالالالالالالالالالالالالا

السؤال فيه كلام
بتقصدى فين جوه وفين بره
انا هسأل سؤال
يعنى ايه وطن
ويوم ما نلاقيه بجد كلنا مش هنسيبه

الوطن احنا اللى بنعمله يا استاذ احمد
مش بنلاقيه فى الهوا
الوطن يعنى حضرتك اصحابك اهلك كل اللى حواليك
الارض اللى بتمشى عليها النيل اللى بتشرب منه
كل حاجه

بالنسبه موضوع الكرامه البنادم لازم يكون ليه كرامه فى بلده عشان يبقاله كرامه بره ده اللى اقدر اقوله اللى انتى بتكلمى عنهم مايمسكش منصب مدير اى حاجه مفيش حاجه اسمها ممنوع عمى بيشتغل بالكويت ماسك مدير فرع مطلع حوالى 30 واحد من البلد مشغلهم معاه الراجل بيحبه جداااااااا بس هما مش بيعتبروه النوبيين مصريين وليا ناس مفى دول الخليج ماسكين مناصب وشخصيات جباره مفيش حاجه اسمها ممنوع طالما بتحجيبلهم فلوس

رحاله كتب:: اقولك ايه الوطن الوطن تراب بتمشى عليه ارض بتديلك اللى جواها عشان تعيش عليه الوطن نيل بيرويك اذا احتجت اليه المشكله ان كل الناس فكره ان العساكر والظباط هما دول الوطن انت بتدافع عن ارض تفضل عايش فيها وتقول ان ده وطنك

للاسف دى فكره الناس عن مصر والحكومه
يعنى كله فاكر ان مصر هم الشرطه او العساكر وكمان المش محترمين فى حين
ان فى ظباط وامن ناس محترمه جدا وناس كويسه جدا
وفى اى مكان فى الصح وفى الغلط فى الكويس وفى الوحش
والحكومه او الناس اللى مش عاجباكم دى احنا منهم وهم منا
يعنى ممكن يكون عمك او خالك او والدك او ابن عمك واى حد قريبك
يعنى مش شياطين نازلين ع الارض تفتكر الهجره حل ؟ موضوع محتاج مناقشه 598291

تفتكر الهجره حل ؟ موضوع محتاج مناقشه 598291

ههههههههههههه حلوه مش شياطين ديه

انا اسف جدا

انا مش هكمل مناقشه
لان مفهوم الوطن
عندى مختلف
مع تحياتى للجميع

يعنى ايه مصر ........... أقولك يا سيدى

يعنى الامان وقت الحاجة ....يعنى أرض الغاليين
يعنى اللقمة الهنية ...... وسط ناسها وأهلها الطيبين
يعنى التاريخ وأصالته ....... والاهرامات تشهد من آلاف السنين
يعنى الابتسامة الحلوة .......رغم جراح السنين والانين
يعنى الارض والعرض ...... يعنى الايمان والحنين
يعنى جرس الكنيسة يضرب .....يعنى الصلاة فى الحسين
يعنى الفلاح يصبح يعافر ..... ويكد علشان عياله الصغيرين
رغم التعب والضنك فيها ...... لكن أعزة ،شرفا ،متكرمين
والنيل يشق البلد نصين ...... كأن البسمة فيها شفتين
تلقى الخضار ينور الارض ...... و الرضا واضح ع الجبين والعين
حتى ترابها ورملها أغلى ....... علينا من فلوس الجبايين
مهما يجرى فى يوم لينا ....... نفضل برضه شايلين لها
شىء فى القلب ثابت ..... أثبت من الجبال والطين
ذكرها ربى فى كتابه ...... أم الدنيا و الخير والمؤمنين
اللى عنده بلد زى بلدى ..... مصر يقوللى هو ميين

تأليف / عاشق تراب هذا الوطن
إسلام جمال ابراهيم

كلمة وطن لا تعنى بالضرورة أرض ... حكومة ... حدود .. شعب ... ولا حتى زمان محدد وانما هو شىء وجدانى بحت لا يعرفه إلا من ذاق حلاوة الاباء .. والجلد .. الفخر ..و العزة .. والكرامة ... الوطن أخلاق ..صفات .. أهل .. الوطن دين.. انتماء .. علم .... الوطن قلب ..مشاعر .. أحاسيس .. حنين ..جمال ..... الوطن مافيهوش غربة ... الوطن أنس ..حب ..خير ..سلام ..وئام

برافو عليك يا استاذ اسلام
ماعنديش كلام اقوله بعد كلام حضرتك بجد كلام رائع مخلص لكل اللى كنت مش عارفه اقوله

الله يكرمك ...أصلى مفقوع من الشباب اللى بيفكر يهاجر ...هو فاكر انه هاينزل من الطيارة هيلاقى الفلوس متكومة فى زكايب والبنات واقفين له صفين ...مش عامل حساب لكرامته وانها هاتمتهن ....وانه سوف يلاقى ذلا أشد بكثير وظلم أكثر مرارة من هنا ....على الاقل هنا من يأخذ بيدك ويطيب خاطرك ويربت على كتفك إذا تكاثرت عليك الهموم والنوائب.... الناس بس فاكرة ان الغرب مثالى جدا زى ما بيشوفوه فى أفلام الدعاية الغربية ... وبعدين اتفرجوا ...أمريكا بجلالة قدرها فيها 50 مليون عاطل عن العمل ...هتلاقى فين شغل هناك يا غلبان

أ[left]ن
ا نفسى ممكن أسافر ...بس بشروطى وتكون كرامتى محفوظة ...أنا جات لى فرصة سفر بس كان المفروض انى أكتب عامل علشان أسافر ....رفضت العرض تماما ....على ما كان من مقابل مادى خيالى 8000 ريال سعودى غير الارباح ... لكن أنا مؤمن بحاجة ....

التنازل مرة يعنى التنازل كل مرة

بلادى وان جارت على عزيزة ...... وأهلى وان ضنوا على كرام[
/left]

التنازل مرة يعنى التنازل كل مرة

بلادى وان جارت على عزيزة ...... وأهلى وان ضنوا على كرام[
لاتعليق

بس أنا مش فاهم يعنى ايه لا تعليق .... ممكن الايضاح .... وجزاكم الله خيرا

وجزاك خيرا منه ان شاءلله
لاتعليق يعنى مش لاقيه كلام اقوله بعد كلام حضرتك
لانى بأويدك فى كل كلمه قولتلها وقولت كل اللى مكنتش عارفه اقوله

الله يكرمك .. فتح الله عليك