يا دلو مين يشتريك ؟؟؟

مبدئيا أنا لا اعترف بالابراج ولا اى حاجة من الكلام دا
بس بجد القصيدة عجبتنى اوى




دى قصيدة الابراج لحنان مفيد فوزى

بتتكلم عن صفات كل برج
ودى دراسات هى كانت عملاها ودى المواصفات العامة لكل برج





يا دلو مين يشتريك ؟؟؟

كان ممكن ابقى حمل

وامارس البطولة
من فوق اعلى جبل
واناطح ف السما
وادوق منها العما
واغامر بالحياة
وانافس الازل
لكن مافيش امل !!


كان ممكن ابقى تور

وف مايو الف وادور
واعاند فى الحقوق
واكابر ف الامور
واسابق الغزلان
واصارع النمور
بقرون فروع شجر


كان ممكن ابقى جوزاء

دائى ملهوش دواء
الحلو عندة كتير
والزعلة بكربلاء
الوقت منة ضايع
والضربة فيها جزاء


كان ممكن ابقى سرطان

ف الليل ابات حيران
ف الحيرة انام غضبان
واخاف من الوحدة
واشكى من الحرمان
واسابق الخطوة
واقف شريط قضبان

كان ممكن ابقى اسد

صوتى يهز الكون
عرشى يعيش للابد
جوايا قلب حنون
مصلحته فوق البلد
وبايدى امد العون
والتانيه عايزة مدد


كان ممكن ابقى عذراء

اسود الانباء
واناكف ف الاراء
واشمع الاسماء
واضارب ف الغلاء
وابيع من غير شراء


كان ممكن ابقى ميزان

على كل لون فنان
انادى فى مظاهرات
ومنادى عربيات
وابين زين ابين
بس ادينى الامان
لا باطل تاخدة منى
ولا حق لة مكان

كان ممكن ابقى عقرب

بالراحة ادوب واقرب
وف لحظة امل واهرب
واغير على روحى منى
واندم واشوفلى مخرج
تاكل دماغى فكرة
ونافوخى منها يخرب

كان ممكن ابقى قوس

واتعلم م الدروس
ازاى ع الناس ادوس
وارتاح من المجاملة
واضرب ف الوش بوز
عشان مزعلش لما
تضيع منى الفلوس

كان ممكن ابقى جدى

مدبوح ف غير اوانة
مفطوم على احزانة
طايح طواحين الهوا
جايب لنفسة العيا
شريان تاجة الطموح
لازملة كمان اوعيه

كان ممكن ابقى حوت

او حتى حتشبسوت
نمرودة باعلى صوت
ف الشلة دكتاتورة
ع الدنيا امبراطورة
يوماتى اعمل عملة
ومافيش حقيقة كاملة
ولا بكشف اى كروت


انا دلو رغم انفى

انا كائن حلو منسى
موهوب طالب رعايه
مغمور عايز دعايه
ع الحبل يعرف يمشى
ف الحب يلبس كرسى
الميه هى رمزة
وهواه فى الدنيا يسرى

موضوع جميل يا اسماء تسلم ايدك
بس ياريت مانثقش فى الابراج لكن فعلا بتكون فى صفات متشابهه
بس مواليد نفس الشهر لكن التنبؤ بالغيب هو اللى حراااااااااااااام
كان ممكن ابقى جدى

مدبوح ف غير اوانة
مفطوم على احزانة
طايح طواحين الهوا
جايب لنفسة العيا
شريان تاجة الطموح
لازملة كمان اوعيه