خشبة المسرح مظلمة والستارة مغلقة
صوت ضحكات عالية تساقط الأضواء ا لمتحرك مع حركة الممثلين
يصعد على خشبة المسرح من جوانب صالة الجمهور مرجان عفراك
أبن الإبليس الأكبر وهو متذمر
وتصعد من الجانب الأخر عفرت بنت أخو الإبليس الأكبر وهي تضحك
وعندما يصعدوا المسرح ويتوسطوه يتبادلا الحوار :
عفراك : فرحانة على إيه يعني
عفرت : أنت غيران ولا إيه
عفراك : أغير من أية
عفرت : من الجائزة إلي أخذتها ( والضحك متواصل ) جائزة أفضل و أجمل شيطانه
ومتنساش أنها عن مجهودي الجبار وبعد دراسات طويلة
عفراك : ( يقاطعها عفراك ) حيلك .. حيلك كل ده على أية يعني
عفرت : علشان أنا يأبني صاحبة فكرة أن بنت حواء تذبح جوزها وتعبيه في أكياس ها
وأوعه تنسى الجائزة اللي استلمتها من كبيرنا الأعظم وقائدنا الشيطان الأكبر
عفراك : على العموم أنا مقدم مفاجأة أكبر من كيأسك وحواء ابتاعتك دي
أنا طموحاتي أكبر من كده أنا عندي فكر لو تمت يتغير العالم كله ويبقى أحفاد
أدم هم اللي يسجدوا لينا !!
عفرت : كيف ده ..!!
عفراك : أنا بدور على رجل يكون فيه كل المثل الأعلى من النزاهة وأقوم بتطبيق
فكرتي علية
عفرت : ياه كتير هو حد تعبنا غيرهم ( تشير إلى الجمهور) أهو عندك كتير أختار منهم
( يتجولا على خشبة المسرح وهم ينظروا إلى الجمهور ثم تشير عفرت على أحد
الحضور بين الجمهور )
أهو .. أهو .. أيه رائيك في ده ( يسقط الأضواء علية ليشاهدوه الجمهور ولا يظهر
علية الاهتمام بهم )
عفراك : أنتِ عارفه د مين
عفرت : طبعاً عارفه ده الكاتب الكبير والصحفي الجليل ورئيس جمعية حقوق الإنسان
والبيئة كمان
عفراك : ( يظهر علية التخوف منه ) بس .. بس ده ( تقاطعه عفرت )
عفرت : أيه يا بطل يا همام يا حفيد الشيطان الأكبر خفت من إنسان
عفراك : أنا أخاف من إنسان مخلوق من تراب .. ( يتوسط المسرح ) ليكن نهاية العالم
على أيدك يا أبن أدم
( هنا تظلم خشبة المسرح ويسود الصمت على المكان )
( تفتح الستار على ديكور لغرفة مكتب منزل الصحفي ممدوح وهو مشغول في كتابة
مقال يدق التليفون )
ممدوح : الو .. مين .. أنت عارف الساعة كأم د لوقتي علشان تعاكس الناس
( ويطع التليفون وهو في غضب ويأخذ القلم ثم يدق التليفون مره أخرى )
الو .. انت تاني يأخي أختشي على دمك أحترم شعور الناس .. ايه .. ايه أنت
مين .. عفراك أبن إبليس الأكبر ( يضع سماعة التليفون وبغضب ) عالم ما عندها
ذوق ولا دم قال أبن الإبليس الأكبر قال( يطرق باب المكتب ) أدخلي يا سوزي
( يفتح الباب ويدخل عفراك وممدوح منهمر في الكتابة )
عفراك : لا أنا مش سوزي .. سوزي نايمه
ممدوح : ( في ربكة وتعجب شديد ) أنت مين وكيف دخلت هنا في بيتي في الوقت ده
عفراك : ما قلت لك إن عفراك أبن الإبليس الأكبر
ممدوح : عفراك مين وزفت مين يا سوزي يا وائل ( يتجه نحو الباب ويقف أمامه عفراك )
عفراك : مفشي حد صاحي ولا حد يقدر يشوفني غيرك
ممدوح : طيب أنت عاوز أيه مني وليه أنا و علشان اية و( يقاطعه عفراك )
عفراك : أنا ح جاوب على كل الأسئلة اللي قلتها واللي مقولتها ش بس ريح أعصابك
ممدوح : أعصابي ترتاح أزاي وفي واحد في قلب بيتي الساعة أثنين ونصف بالليل ويقوا
إني الشيطان و عاو زني أرتاح !!
عفراك : ( يضحك عفراك ) طيب لو عرفت أني جابلك علشان نصلح الكون
ويسوده الحب كمان ح تعمل أيه
ممدوح : شيطان عاوز الحب والإصلاح أزاي هي الأمور انقلبت
عفراك : أبوة الأمور انقلبت وانتم السبب
ممدوح : انقلبت و إحنا السبب كيف ؟؟
عفراك : يا سيدي شوف حوليك الزوجة بتزبح زوجها علشان شهوات أو فلوس أو
عاشق .. ألابن بيعصي الأب وممكن يضرب أبوة شوف الإغراءات من حواء لأدم
ممدوح : يعني مش أنتم السبب
عفراك : ( يضحك ) وإحنا نعمل كده ليه طيب أنا حديك مثال .. هو المفروض الشيطان
علشان يغوي الإنسان يقف فين أمام مسجد ولا أمام كابريه أو خمارة مش
المفروض أقف أمام المسجد علشان امنعه من الصلاة ولا أقف أمام الكباريه
أمنعه يدخل يعني .. هو سيدي عارف طريف الفساد لوحدة
ممدوح : هي نظريه صحيحة لكن أنت بتقول عاوز تصلح الكون ليه أنت مش شيطان
برضوا ولا أنت من الاصلاحين المعتدلين المناهضة لظلم الشيطان للإنسان
عفراك : عليك نور أنا كده من الاصلاحين المعتدلين المناهضة لظلم الشيطان للإنسان
و علشان كده عاوزك تكتب رسالة مني لبني أدم رسالة من شيطان عاطل عن
العمل و أسئلة ليه يا أبن أدم بتدخل في شغلنا ليه بتسر قوا بعض وتنهبوا
بعض وتبيعوا بعض ليه الخيانة خيانة العرض والأرض والأهل ليه وليه ولية
( ويتصنع الحزن والبكاء كي يحن علية الإنسان )
موضوع: احفاد الشيطان 
