احمد كمال
- عضو أوعى وشك -
 عدد المساهمات : 343
نقاط : 5963
تاريخ التسجيل : 27/04/2010
العمر : 44
المزاج : الف الحمد لله
 |  موضوع: يقول الخال 1 الأربعاء مايو 12, 2010 2:27 pm | |
| انا هجمع لكم بعض قصاثد الخال عبد الرحمن الابنودى
ربنا يشفيه | القــدس قدســي..
شعر: عبد الرحمن الأبنودي
القدس قـُدسي.. يمامة صيف.. في غيتِّهـا
تطير.. تجيني.. بأشواقها.. وغيتّهــــا
فاكرانى.. من يدّ صيادها.. أنا اغيتهـــا
فاكرانى صوت الأدان الحـىّ في ((حطين))
ومخبِّى في ضلوعي قلبك يا ((صلاح الدين))
شايل صُراخ اليتامى ولوعة المســاكـين
فاكراني كفن الشهيـد وخيمـة اللاجئين
وأول الأتـقيا.. وآخـر الــهاربيـن.
تجيني.. وتوسني.. وتملّـِس على خـدودى
هاربة بحدودها القُدام تتحامـى في حدودي
تبكى على صدري دَبكـة حزن على عودى
تبكى وفاكـره حاهدهدها واسكِّتـــها
أنا ياللى من يموت شراييـنى اتنـسج موتها
وصوتى يوم الغنا الباطل بلع صوتـــها
ما فيش في قلبـي ولا آهة.. أموتـــها
كل الآهات ميِّـتة.. أنا حبيـس همــس.
نزعـت صورتـها من بُكـرايا.. من أمس.
حطين.. لا حطينى.. ولا قُدس الهموم قدسى.
ولا عارفة تنسـاني زى ما تُهـت ونسيـتها.
|
| |
|
