سؤال وبدور له على اجابة

من باب الغلاسة مش اكتر

هسال سؤال ( مش اعلامية انا ولا قرطاس جوافة )

عاوزة اشوف رايكم فى موضوع وكله كله يجاوب سواء ولاد او بنات

نييييييييجى للسؤال

يابنات لو اتقدم لك واحد كويس اوى وكل حاجة بس قالك مش هتشتغلى هتوافقى ولا لا ؟؟؟؟؟ ( ده للبنات مش عاوزين حول يا جماعة )


اما الولاد : موافق ان اللى تجوزها تكون بتشتغل بغض النظر عن سبب الشغل بس اقصد مبدا الشغل موافق عليه ولا لا ؟؟؟؟


والاجابة مع التعليل يعنى موافق موافق ليه ومش موافق برررررررده تقول ليه سيادتك مش موافق
والبنات برده
ولا ايه مش البنت زى الولد

قشطات
اياااااااك ثم ايااااااااك الاقى حد دخل المنتدى ومقالش رايه والا محدش يلومنى على اللى هيحصل

والله لو على راى يا عبد الرحيم

انا بايد الشغل اينا كان هيخلينى انزل او هعمله كله من البيت والنت وكده
بس فى كل الحالات باااااايد الشغل حتى لو من غير مقابل مادى

ومش مع الراى اللى بيقولك لو هياثر على البيت والشارع

كل واحد فيكم حر فى رايه ومدام مقتنع بيه

يبقى قشطات

بصوا بقى

انا لما سالت السؤال ده كنت عاوزة اعرف

الشغل عندنا مهم لدرجة انه من اولوياتنا يعنى ممكن نوافق على عريس او نرفضه عشان الشغل

بمعنى ان الشغل بقى تبع معايير الموافقة والرفض يعنى حاجة ضرورية فى حياتنا ولا عادى


السؤال ده كتبته على الفيس
وفهمت من الاراء البنات ومن هنا

ان الشغل مش اولوية ولا حاجة ضرورية للدرجة الا لو الظروف فرضتها
يعنى مثلا لما حد يقول لو الظروف المادية مش اوى هشتغل هى كده اشتغلت لان الظروف فرضت الشغل انما هو مش مهم عندها ونفس الكلام لما واحدة تقول لو هيعقد بره البيت يبقى اشتغل احسن فى حالة دى برده الظروف فرضت عليها الشغل والا هى نفسها تقعد فى البيت

وفى راى تانى يقول لو الشغل هياثر على البيت وجوزى والولاد يبقى اسيبه طيب ليه قال كده لان الشغل لو كان اولوية كانت هترتب وقتها بين البيت وجوزها والولاد والشغل انما لانه مش اولوية بكل بساطة شالته من اهتماماتها


وفى واحد قال رايه على الفيس برده

هيوافق انها تشتغل بشرط لو هى بتشغتل فى الذرة وكده انما لو موظفة عادى ملوش لزوم وحاجة عادية وبيت اولى وجوزها مش فاهمة يعنى هو لما بينزل هيشتغل ايه


الكلام ده كله كان سببه فى المحاضرة ان على الرغم من ان الستات بتطالب بالمساواة وبالشغل فين وفين وتعمل مش عارفة ايه
وهى اساسا فى اول فرضة هتيجى لها هتسيب الشغل
يعنى لغاية دلوقتى الشغل مش اولوية ولا حاجة ضرورية عشان كده دايما بيبقى هو الحاجة الزايدة فى حياتنا واللى بتتضغط على كل حاجة تانية غيرها


يارب تكون وصلتكم الفكرة
لو حد عنده اى حاجة عاوز يقولها ياريت
احسن دماغى اتقلبت من الموضوع ده

سورى بقى برغى يجى من ساعتين