الى كل خريج جديد

موضوع: الى كل خريج جديد السبت يناير 16, 2010 7:30 pm

]اهلا بيك.. انت بقيت خريج

يا الف مبرووك

احب ابشرك

انت دلوقتي خلصت اسهل و اجمل مرحله في حياتك.. حيث انعدام المسؤوليات و الحريه

أما الآن و انت اصبحت خريج... فقدأصبحت عليك مسؤاليات و اعباء لا يتحملها علي

وجه الكون الا ابن آدم

دي كانت المقدمه بالنحوي

دلوقتي... كل خرج جديد اول حاجه لازم يعملها انه يمسك زي كراسه صغيره كده

و يبدأ يخطط لحياته مش سنه ادام لا...

يخطط 30 سنه ادام ههو عاوز يبقي ايه

في نقاط سريعه
1-
2-
3-
-
-
الخ

كل واحد يحط الاولوليات اللي عاوزها

عاوز تيقي مدير في شركه مالتيناشونال ماشي حطها في الاولويات

عاوز ابقي صاحب شركه او مكتب ..اوكي مفيش مشاكل

عاوز يبقي عندك عيال تربيهم حطها بردو

اي حاجه نفسك تكون بعد 30 سنه اتحققت ضعها امامك

اترك لخيالك العنان بس متخلهووش يسرح اوي

بعد كده

قسم ال30 سنه دوول 3 فترات

10 سنوات الاولي

10 سناوت الثانيه

10 سنوات الثالثه

و ابدا رتب الاولويات مره تانيه

بعد كده امسك ال 10 سنوات الاولي و قسمهم 5 سنوات و خمس سنوات

و كذلك 10 سنوات التايه و كذلك 10 سنوات التالته

بعد كده تمسك الخمس سنوات الاولي و ديه تقي الخطه الخمسيه الاولي

تقول فيها انا عاوز احقق فيها مثلا1 و 2

يبق علشان احقق واحد مطلوب مني ان اعمل ما يلي
أ-
ب-
ج-

الخ

زي مثلا . آخد كورس لغه انجليزيه

اخد كورس الICDl

احضر ماجستير او دبلومه

اي حاجه شايفها مناسبه

و علشان احقق 2 لازم اعمل بردو ما يلي:

ه-
و-
ز-
ك-

الخ

و كرر ده علي بقيت السنوات

بعد ما تخلص هتكون عندك صوره متكامله لما تريد ان تحققه في حياتك النهائيه

(..انا بسميها كده لأن بعد المرحله ديه..الانتقال الي البرزخ و مقابله الله)

دلوقتي تقدر بقه تبني السي في بتاعك علي نور و بينه و هتعرف هتكتب فيه ايه بالضبط

... لأن السي في اول خطوه لتحقيق الاهداف اللي فوق ديه

بس طبعا مبنكتبش فيه الخطط و الاهداف اللي انت عاوز تقولها

انا قصدي يعني من خلال الي في بتقدر توجه نفسك للشغلانه اللي ترغب في

الابتداء بها

اصل سي في هتقدمه لشركه مثلا بتاعت كمبيوتر هيبقي مختلف عن سي في

هتقدمه لشركه سياحيه

كل حاجه بتهتم بحاجات معينه اكتر من التانيه

بعد كده.. انزل و احدف السي في في اي حته تلاقيها مناسبه

و اوعي تترد لو جاءت لك شغلانه و المرتب مش عاجبك..معلهش انت في الاول

لازم تاخد قليل و تتسحل علشان تتعلم و تبني لنفسك اسم في سوق المهنه

حط امل انك لما تتمكن من الشغلانه بتاعتك هم بعد كده اللي هيجروا وراك

اي معلومه او حاجه تنفعك متخليهاش تعدي من تحت يدك غير لما تفهمها و يكون

عندك منها مصدر..اكيد هتنفك في يوم من الايام

تنظييم الوقت مهم جدا

و حاول تنوع من نشاطك بعد الشغل.. علشان هيجي عليك وقت و هتزهق من

كل حاجه نتيجه الضغوط و المسؤوليه اللي علي عاتقك

ملكش دعوه بغيرك و ركز في شغلك علشان تنجح و تعدي

الصبر جميل .. خليها دايما في دماغك

و مبدأيا نصيحه لوجه الله

اتقن اللغه الانجليزيه علي الاقل ولو فيه لغه اخري شغال بس الانجليزيه هي الاساس

و المصادر الحمد لله متوفره لاتقانها من برامج ومواقع ع النت و مسلسلات علي

التلفزيون و برامج

يعني مثلا قناه زي ام بي سي 4 ديه هتبقي مفيده جدا جدا لأنها برامج فهتنفعك اوي..

بس حاول تسمع و متخليش عينك تخدعك و تقرأ الترجمه ..العمليه عمليه تعود

الكمبيوتر علي الاقل تبقي عارف يعني وورد و اكسيل و باوربوينت ماشي و اكسيس لو امكن

لكن لو شغلانه لها علاقه بالآي تي و خلافه.. فداه هيتطلب منك انك تتعلم لغات

برمجه حسب طبيعه شغلك

كان فيه حاجات كتيير اوي في دماغي بس ناسيها ..لما افتكر هبقي اقولها ان شاء الله

حاجه مهمه جدا يغفل عنها الجميع.....

اللغه العربيه.... اتعلم تكتب عربي صح يعني حالات اعراب المثني و الجمع

لأن بتبقي فيه اخطاء في اللغه العربيه و ديه بتبان لما يكون واحد بيكتب مذكره او اي اي

حاجه... بتبان بعض الاخطاء في اللغه العربيه و شكلها مبيكونش حلو

يالا و اتمني لكم التوفيق

حاجه نسيت اقولها

الكراسه ديه احتفظ بيها و بعد كل سنه شووف هل انت حققت حاجه ولا بعدت عن

المسار علشان تصححه لنفسك

و متخليش الاحباط يسيطر عليك لو حاجه متحققتش ..لأنها ممكن تتحقق بعدين او

وقتها لسه مجاش

او لو عندك مثلا في الخمس سنين دوول 10 حاجات عاوز تحققهم.. لو اتحقق منهم

7 يبقي الحمد لله... و الباقي ان شاء الله بالصبر و المثابره هيتحققوا

حاجه تفصيليه زياده....

ممكن تمسك السنه دي لغايه 2010 و تقول انا علشان احقق اهداف بعد خمس

سنين يبقي مطلوب مني في خلال السنه ديه اعمل حاجات معينه

..قسمها علي شهور السنه

و قول في شهر يونيو هعمل كذا و يوليو كذا

و امسك كل شهر بقه...

لو عندك اجنده.. امسك و سجل ان في شهر يوليو هعمل الحاجات ديه و امسك الاربع

اسابيع بتوع شهر يوليو و قسم المهام فيها و بعدين تمسك كل اسبوع و تقول انا

هعمل يوم السبت كذا و يوم الاحد كذا ..الخ...و ادي ترقيم ....

يعني يوم السبت حعمل ما يلي:

1- حقرأ ورد

2-حقرأ 10 صفحات منن كتاب

3- حروح كورس الانجليش بعد الشغل

4-حصلي القيام

5-حروح الشغل و حخلص مثلا المقايسه اللي المفروض اسلمها بعد بكرهالاثنين

6- هقعد ساعه ع النت

7-هكلم صاحبتي او صاحبي و اطمن عليه مكالمه قصيره

8- حقعد مع اسرتي في البيت و اشوف احوالهم

و تيجي قبل ما تنام تشوف اللي حققته تعمل ادامه صح و اللي لم يتحقق لتعمل علامه غلط

ديه بتساعد جامد اوي في التنظيم

بحيث ان الحاجت الصغيره اللي هتعملها علي مدار اليوم هتحقق الحاجات اللي

انت كنت عاوز تعملها علي مدار الاسبوع و الحاجات بتاعت الاسبوع هتحقق الحاجات

بتاعت الشهر و الشهور هتحقق السنه.. الخ

و ان شاء الله بعد خمس سنين الاولي هتحقق الخطه الخمسيه الاولي

منقووووووووووول من ايميلى

[/size

الحمد لله من سنتين وانا بطبق الكلام ده والحمد لله كل اللى بكتبه بيتحقق شكرا ليكى ياسمر

فعلا هى فكره جميله
ربنا يكرمك دايما
شكرا لمرورك

بجد يا سمر موضوع مهم جدا
جزاكى الله كل خير و ربنا يجعله فى ميزان حسناتك

اللهم ااااااااااااااااااااااامين
شكرا ياسمسم على مرورك ربنا يكرمك يارب

انا طبقت الكلام ده من سنتبن وانا حتى الان فاشل والسبب من الكلام المثالى

دا مش كلام مثالى يا استاذ محمد
اكيد حضرتك بتطبق حاجه غلط

"من فشل فى التخطيط .. هو خطط للفشل"
حاول تانى وان شاءالله المره دى هتنجح
ربنا معاك ويكرمك