زمان وانا صغير

زمان وانا صغيرة
ياااااااااااااه كانت ايام مسخرة بجد وانا كنت تحفة فنية مش هتكرر تانى
مهما حصل صحيح كبرت دلوقتى بس برده لسة صغيرة زى ماانا وكل اما افتكر ايام
زمان احسن انى كنت متخلفة عقليا اه والله ده غير المدرسة اللى من اول ما
دخلتها وكل يوم معدل الغباء بيزيد عندى

يعنى مثلا لما كان عمرى كده
يجى سبع او تمن سنين ويمكن اصغر اخدت علقة محترمة جدااا علقة بنت ناس بجد
وكل ده عشان عاوزة امارس حقى الطيبعى زى كل الناس الطويلة عاوزة ابص من
البلكونة على الشارع واتفرج بقى على اللى رايح واللى جاى (من يومى غلسة )
ولانى و الحمدلله قصيرة ومازلت مكنتش بلحق سور البلكونة قوم مخى اللى زى
الفل يقولى انط واتسند على سور البلكونة وفعلا نطيت ويدوبى بطلع على سور
البلكونة و يجى حظى اللى دايما واقف معايا وقفة رجالة بجد يعنى وقفة مش اى
كلام يخدمنى خدمة محترمة برده زى العلقة ويقوم ايييييه والدى يكون وقتها
واقف فى البلكونة اللى فى الاوضة اللى جنب اللى انا فيها بيشرب شاى حبكت
اصلى يشرب الشاى فى الوقت ده وفى البلكونة كمان واكيييييد يعنى
شاااااااااااااااااافنى وياعينى كان اخر يوم ليا فى الاوضة رحت اوضة تانية
فيها شباك وكمان حط عليه حديد عشان التخلف اللى عندى بدل ما يجى ويلاقينى
فى يوم نطيت منه على الشارع على الاقل وقتها البلكونة كانت هتكون احسن لان
لها سور انما الشباك منك للشارع يا معلم اما العقاب التانى فكان العلقة
المحترمة اياها
ده كان موقف من المواقف اللى دايما بفتكرها ومعلقة فى
بالى
مع انى والله مكنتش شقية بالعكس كنت هاااااااادية ولغاية دلوقتى بس
التخلف بعيد عنكم

اما بقى بخصوص الحاجات اللى برده تدل على التخلف
وعقلى المحدود
عندى خالو له اسمين استنوا بس متفهموش غلط زى هو عنده اسم
فى البيت بينادوه بيه والناس عارفينه باسم فكان لما حد يتصل يقول عاوزه
باسمه اللى هما عارفينه بس وقتها انا مكنتش اعرفه كنت بقول مفيش حد بالاسم
ده بس فى بالى طبعا لانى كنت صغيرة ومش انا اللى برد على التليفون ولما
فهمت الموضوع بقى جه فى بالى وقتها ان الواحد و هو صغير بيبقى له اسم وهو
لما يكبر بيبقى له اسم تانى فكنت اقعد افكر مع نفسى على الاسم اللى هسميه
لنفسى لما اكبر
شغل عيال بقى تقولوا ايه هع هع هع هع هع هع

يلا
كفاياكم كده لتتعدوا من الغباء اللى عندى


حاجة من تخاريفى لاول مرة

هههههههههههههههههههههههههههههه

اتمنى بجد انى ارجع سنى الطفوله من تانى

ان ان ااااااااااااااااااااااااااااااااااااااان
اعترافات ليليه
زمان وانا صغير
امال احنا ايه
عجزنا بقى
مشاركه صادقه جدا
مستنى المزيد