عيد ميلاد الريس لعمنا (احمد فؤاد نجم) بسرعه اقروها قبل ما يحذفوها

Ruby Diabian سيدي الرئيس
في عيد ميلادك الكام وتمانين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك -
هاتفتكر مين وللا مين
في عيد ميلادك الكام وسبعين
بقول لك كلمتين
الأوله شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية ورتنا الويل
دا الخطوة في عهدك بقت ميل
والضحك بقى نواح وعويل
والكوسة عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

مافى غير اقول يااااااااااااااااااااااااااااااااااااالله

وعجز لسانى عن الرد

لالالالالالالالالالالالالالا
ارجوك كدا هنروح فى حاجه وهيودونا ورا حاجه
هى القصيده عجبانى بس مش معاك فى كلامها
مش بحب الناس اللى ترمى كل اللوم على شخص وتطلع نفسها بريئه
ويكون كل الغلط منها

ايه يا جماعه خايفين ولا ايه
هوه انا اللى كتبت القصيده
ده شاعر محترم ومعروف
احمد فؤاد نجم
اسألو التاريخ مين احمد فؤاد نجم

انا اسف انا قرأت نصف التعليق
الاصلاح من فوق لتحت
من القمه الى القاعده
هىه السمكه بتفسد من فين
مش من الرأس

يا استاذى ايه الكلام الكبير دا

بس كدا شكلنا حنختفى الايام الجاية و المنتدى مش حيكون ليه اثر

ع العموم انا رايى ان الاصلاح مش من فوق لتحت ولا من تحت لفوق

الاصلاح يكون من الاتنين سوا فى نفس الوقت لان الاتنين عليهم المسئولية

التنميه البشريه علمتنى احلم
واحاول احقق حلمى
وانا اتعلمت منكوا(ولى الشرف)
ان الاحلام ممكنه
انا صلحت كتير من نفسى ومش هبطل اصلاح
وهو ده الاصلاح الحقيقى
هو الاصلاح وحش
ولا كلمه ضد حد
على العموم كل سنه ومصر بالف خير

» فضل العشر الاواخر من رمضان تعالى اقروها لعل وعسى
» الممنوعات أحمد فؤاد نجم
» هما مين وأحنا مين أحمد فؤاد نجم
» يابلح ابريم لاحمد فؤاد نجم
» عيد ميلاد سعيد ( يا ترى مين ......؟ )