الرئيسيةاليوميةمكتبة الصورس .و .جبحـثالتسجيلدخول

شاطر | 
 

 مسحراتى

اذهب الى الأسفل 
كاتب الموضوعرسالة
احمد كمال
- عضو أوعى وشك -
avatar

ذكر عدد المساهمات : 343
نقاط : 3616
تاريخ التسجيل : 27/04/2010
العمر : 38
المزاج : الف الحمد لله

مُساهمةموضوع: مسحراتى   الأربعاء أغسطس 25, 2010 2:52 pm

مسحرااااااتى..
صلِّيت عليك يا نبى
هاتف دعانى وجيت
على كل بيت يا نبى
لاجل النبى لفِّيت
تسأل أقول مأربى
هوَّ الصلا ع الزين
خدنى الحنين لضياه
خدنى ما قلتش لفين
طيرٌ سلك فى مداه
عرَّجت ع الحضرة
دفا وشفا ومحاياه
وغيطان كتير خضرا
إصحى يا عبد الإله
قومى يا سامية وسعاد
حسب الميعاد طبِّيت
ومضيت فى كشف حضور
آن الأوان اسمعوا
"الطبلخان" للسحور.
..................
صافى وزى الحتَّة البيضا
الحتَّة اللى بتشبه روحى
زى مشاعرى الطارحة بلابل
بتغنِّى واسميها جروحى
أرمى ف بطن الأرض تقاوى
أرمى غناوى.. قمر فـ سطوحى
أزرع واحصد قمح سنابل
قطن لمكة وعكا وبابل
خُضرة لحد خليجنا العربى
على أفريقيا تمد عوافى
ليه يا حبيبة القلب تخافى
ده انتى الكعبة ودمى طوافى
ليه يا حبيبة القلب جعانة
وانا بـ اشوى لك لحم كتافى.
.................
نايم خايف قمت جرئ
جيت وشربتك ماء ع الريق
جيت وشربتك زمزم وانتى
عينك نبع ف كل طريق
رطب النخل نده أباريق
قطعوا السكة على المخاليق
قطعوا السكة على الصايمين
مد يا صايم إيدك قول
بسم الله وصيام مقبول
بسم الله وحفظنا بدين
سر الصبر مع العارفين.
............
ليه يا سواقى الميَّه تجفِّى
خير الأرض ما عادش يكفِّى
قالت فين الميَّه يا عم
أرض شراقى بتشرب سم
قالت فين الميَّه يا خال
والموال بقى طعمه يغم
ياما صرخت طلبت نجاه
لما غرقت لحد الشوشة
بين سرطان وبذور مغشوشة
مين ينصفنى يا خلق الله
م اللى كوانى ما قلتش آآآه
اللى بيسرق عرقى وقوتى
قص لسانى حدفنى لموتى
خلاَّ حياتى بقت مأساة
مين ينصفنى يا خلق الله.

مسحرااااااتى..
مسحرااااااتى..
مسحرااااااتى.
الرجوع الى أعلى الصفحة اذهب الى الأسفل
شمس الغروب
- عضو أوعى وشك -
avatar

انثى عدد المساهمات : 307
نقاط : 3440
تاريخ التسجيل : 13/04/2010
العمر : 23
الموقع : في الحياة
الوظيفه : القراءة والسفر
المزاج : الحمد لله

مُساهمةموضوع: رد: مسحراتى   الجمعة أغسطس 27, 2010 8:24 pm

جميلة جدا يا استاذ احمد مجهود رائع
الرجوع الى أعلى الصفحة اذهب الى الأسفل
 
مسحراتى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SoUL TeAM :: المنتدى العام :: همسات وخواطر-
انتقل الى: