محتار ومش عارف أختار

فكرت
اكتب الكتاب واعلى الجواب وافرح الاهل والاحباب

واجيب الناس تهيص وتدلع وتترقص

وادخل فى قلبهم السرور واكون انا ع الكوشة مغرور محتار ومش عارف أختار Icon_cool

ولما جيت اختار فكر قلبى واحتار محتار ومش عارف أختار Icon_question

ياترى مين يختار؟

وتكون هيه شريكة الدار

واحترت شوية وقلت ياترى مين اختار

ياترى المنقبة المحترمة

ولا التانية اللى لابساه موضة وشخلعة

ولا البنت ام حجاب اللى حجابها تتهد لة كل الابواب
ويشهدلها الاهل قبل الاحباب

ولا التانية ام حجاب ولسانها نسيت تقفل علية الباب

ولا البنت اللى من غير حجاب اللى لا تنفع تربى ولاد
وهتوقعنى ف مشاكل مع الاحباب

قعدت مع نفسى شوية ولقيت انى هفرح الناس وهتتغمى علية

ولا هقدر ارجع ف كلمتى واقول متنفعنيش البت دية

لانى لا دة موبايل لما ازهق منة ارمية

ولا خط هكسرة او اتصرف فية

ولا مفرش لما يتقطع هخيطة واستفيد بية

دى هتكون انيل من كدة

لانها هتكون الولية وعشرة عمر ووشى ف وشها واحتمال تكون
نكدية

ولما اكون مخنوق هفضفض معاها واقولها

ولما اتعب هجرى ابكى ف حضنها

وياترى هحسن الاختيار واكون موفق ويا شريكة الدار

ولا هتعمى واكون وقتها انا الحمار

وسعتها هتغنى وتقولى بحبك ياحمار

ولما لقيت الجواز غريب وعجيب

وانى امرة مريب وممكن اختار ويطلع كلة افكار

وقتها فقت من حلمى وقلت ابدا ولايمكن اكون حمار

ومش هفكر ف الجواز الا لما اختار

واحدة بحبها ووقتها تكون شريكتى فى الدار

على فكرة الموضوع منقول من واحد صاحبى وحبيبى
بس عجبنى وحبيت أنى أشارككم فية

ههههههههههههههههه
جميل والله وواقعى
بس ياترى انت اخترت اى نوع

فى الحب ممكن نختار الحلوة وصاحبة المواصفات الجميله علشان نتفاخر بيها قدام الصحاب لكن فى الجواز لازم نختار اللى نفتخر بيها قدام ربنا وانا شايف ان ده مش محتاج جمال لا ايه رايكم لن محتاج دين

تقصد ايه فى الحب يعنى انت مع ان الواحد يحب واحده ويتسلى بيها وفالاخر يسبها ويدور على واحده تانيه للجواز؟؟؟
انا رايي ان الواحد يحب ويتجوز واحده تكون اخلاقها ودينها اهم حاجه وبعدين يفكر فى اى حاجه تانيه

سورى يا عبد الرحيم على رايك بس اختلف معاك فى ان الواحد يفصل بين الحب والجواز

انا مش بتكلم عن رأى الشخصى لا انا بتكلم عن وجهت نظر 90%من الشباب اليمين دول اما عنى انا شخصيا فكل وحده انا عرفتها اتمنيت انى اتجوزها لكن محصلش نصيب نفسى الاقى دلوقتى وحده احبها وتحبنى وعمرى ما هفكر فيه الا للجواز فقط لان ده مبدأى وادعولى الاقى بنت الحلال

ربنا يكرمك ببنت الحلال اللى بتتمناها
وتتجوزوا على طول من غير صحوبيه ولا لعب العيال دا

عبدالرحيم كتب:: انا مش بتكلم عن رأى الشخصى لا انا بتكلم عن وجهت نظر 90%من الشباب اليمين دول اما عنى انا شخصيا فكل وحده انا عرفتها اتمنيت انى اتجوزها لكن محصلش نصيب نفسى الاقى دلوقتى وحده احبها وتحبنى وعمرى ما هفكر فيه الا للجواز فقط لان ده مبدأى وادعولى الاقى بنت الحلال

و انتا عرفت من فين ان 90 % من الشباب بتوع اليومين دول بيفكرو كده يا ريت يا استاذ عبد الرحيم متعممش

انا معممتش

» مش عارف
» كلمات من القلب للقلب
» حاجة تموت من الضحك بس مش عارف هوة الضحك بس ....