SoUL TeAM
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

SoUL TeAM :: منتديات المبدعين :: القسم الأدبي( قصة - شعر )
 

 مصر يامة يا بهية

اذهب الى الأسفل 
كاتب الموضوعرسالة
طالب الجنان
- عضو على متفرج -
طالب الجنان


ذكر عدد المساهمات : 95
نقاط : 5343
تاريخ التسجيل : 10/05/2010
العمر : 37
الموقع : قنــــــــــــــــــــــــــــــا
الوظيفه : المدير التنفيذى لفريق soul team
المزاج : فل والحمد لله

مصر يامة يا بهية Empty
مُساهمةموضوع: مصر يامة يا بهية   مصر يامة يا بهية Emptyالأربعاء أغسطس 18, 2010 2:41 pm

بهيـة

يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنى
عن الارض سمرا و قمرا
و ضفه و نهر و مراكب
و رفاق مسيرة عسيرة
و صورة حشد
و مواكب
ف عيون صبية بهية
عليها الكلمة و المعنى
***
مصر يا امّة يا بهية
يام طرحة و جلابية
الزمن شاب و انتي شابة
هو رايح و انتي جاية
جايه فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
معجبانية و صبية
يا بهية
***
الليل جزاير جزاير
يمد البحر يفنيها
و الفجر شعلة ح تعلا و عمر الموج ما يطويها
و الشط باين مداين
عليها الشمس طوافة
ايدك في ايدنا
ساعدنا
دي مهما الموجة تتعافى
بالعزم ساعة جماعة
و بالأنصاف نخطيها
***
مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاتب
كل ماضي و كل آتي
عقدتين و التالته تابتة
تركبي الموجة العفية
توصلي بر السلامة
معجبانية و صبية.. يا بهية
***
و يعود كلامنا في سلامنا يطوف ع الصحبة حلواني
عصفور محني يغني
على الأفراح ومن تاني
يرمي الغناوي تقاوي
تبوس الأرض
تتحنى
تفرح
و تطرح
و تسرح
و ترجع تاني تتغنى
اللي بنى مصر كان في الأصل حلواني

أحمد فؤاد نجم
1969م
الرجوع الى أعلى الصفحة اذهب الى الأسفل
 
مصر يامة يا بهية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SoUL TeAM :: منتديات المبدعين :: القسم الأدبي( قصة - شعر )-
انتقل الى: