الرئيسيةاليوميةمكتبة الصورس .و .جبحـثالتسجيلدخول

شاطر | 
 

 ايوه بغير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد كمال
- عضو أوعى وشك -
avatar

ذكر عدد المساهمات : 343
نقاط : 3405
تاريخ التسجيل : 27/04/2010
العمر : 37
المزاج : الف الحمد لله

مُساهمةموضوع: ايوه بغير   الأربعاء يوليو 28, 2010 3:30 pm


لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة مبنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر

طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس

يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟
هو انا كلب ؟؟

ثم العبرة ماهيش في اللبس
اصل المشكلة ماهيش في اللبس
اصل المشكلة عَندك ..
عٍندك ..

قلت حاسيبها وبكرة تحس
بعده تحس
بعده تحس
ده انا لو جبس كنت زعقت

ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

*****
كلمات الشاعر .. هشام الجخ
الرجوع الى أعلى الصفحة اذهب الى الأسفل
عبير الورد
- عضو كدة وكدة -
avatar

انثى عدد المساهمات : 126
نقاط : 3083
تاريخ التسجيل : 29/11/2009

مُساهمةموضوع: رد: ايوه بغير   الأربعاء يوليو 28, 2010 3:58 pm

كلمات رائعة ..
والقائة اجمل ..عاللينك دا
http://www.youtube.com/watch?v=33yMJTM3Vsc
الرجوع الى أعلى الصفحة اذهب الى الأسفل
Asmaa _ Smart Team
- مشرف القسم العام -
avatar

انثى عدد المساهمات : 187
نقاط : 3079
تاريخ التسجيل : 25/04/2010
العمر : 33
المزاج : سعيدة الحمد لله

مُساهمةموضوع: رد: ايوه بغير   الأربعاء أغسطس 18, 2010 4:01 pm

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
قصيدة جميلة جدا
تسلم ألايادى يا أستاذ أحمد

************************************************
كُل تحدي جديد يبني شخصيتى

الرجوع الى أعلى الصفحة اذهب الى الأسفل
 
ايوه بغير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SoUL TeAM :: المنتدى العام :: همسات وخواطر-
انتقل الى: