الرئيسيةاليوميةمكتبة الصورس .و .جبحـثالتسجيلدخول

شاطر | 
 

 من اشعار جحا المصرى

اذهب الى الأسفل 
كاتب الموضوعرسالة
احمد كمال
- عضو أوعى وشك -
avatar

ذكر عدد المساهمات : 343
نقاط : 3764
تاريخ التسجيل : 27/04/2010
العمر : 38
المزاج : الف الحمد لله

مُساهمةموضوع: من اشعار جحا المصرى   الأحد يوليو 11, 2010 5:19 pm

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا حلوه
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لاجل الغزاه
ويعنى ايه لما ابقى ماشى فى حالى اتشد اشتباه

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهل ترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ


علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق

الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله


منقول
الرجوع الى أعلى الصفحة اذهب الى الأسفل
شمس الغروب
- عضو أوعى وشك -
avatar

انثى عدد المساهمات : 307
نقاط : 3588
تاريخ التسجيل : 13/04/2010
العمر : 24
الموقع : في الحياة
الوظيفه : القراءة والسفر
المزاج : الحمد لله

مُساهمةموضوع: رد: من اشعار جحا المصرى   الثلاثاء يوليو 27, 2010 5:28 pm

فعلا شعور سخيف
مشكور على جهدك يا استاذ احمد
الرجوع الى أعلى الصفحة اذهب الى الأسفل
احمد كمال
- عضو أوعى وشك -
avatar

ذكر عدد المساهمات : 343
نقاط : 3764
تاريخ التسجيل : 27/04/2010
العمر : 38
المزاج : الف الحمد لله

مُساهمةموضوع: رد: من اشعار جحا المصرى   الأربعاء يوليو 28, 2010 2:11 pm

شكرا على مرورك الكريم
الرجوع الى أعلى الصفحة اذهب الى الأسفل
salma
- عضو أوعى وشك -
avatar

انثى عدد المساهمات : 321
نقاط : 3504
تاريخ التسجيل : 06/06/2010
العمر : 22
الموقع : ع الفيس بوك 50 ساعة ف اليوم
المزاج : عايزة اناااااااام

مُساهمةموضوع: رد: من اشعار جحا المصرى   الأربعاء يوليو 28, 2010 3:46 pm

ايه الكلام الجامد ده مشكوووور جدا ع المجهود الرائع ده والتوبيك الاروع
الرجوع الى أعلى الصفحة اذهب الى الأسفل
عبير الورد
- عضو كدة وكدة -
avatar

انثى عدد المساهمات : 126
نقاط : 3442
تاريخ التسجيل : 29/11/2009

مُساهمةموضوع: رد: من اشعار جحا المصرى   الأربعاء يوليو 28, 2010 4:01 pm

وابكى على حلمى اللى تاه
بس مش هاشحت رغيف
هاشحت وطن لله

لله..لله

قصيدة من الاخر
الرجوع الى أعلى الصفحة اذهب الى الأسفل
شمس الغروب
- عضو أوعى وشك -
avatar

انثى عدد المساهمات : 307
نقاط : 3588
تاريخ التسجيل : 13/04/2010
العمر : 24
الموقع : في الحياة
الوظيفه : القراءة والسفر
المزاج : الحمد لله

مُساهمةموضوع: رد: من اشعار جحا المصرى   الخميس يوليو 29, 2010 10:16 am

ياريت يا استاذ احمد تجيبلنا اشعار تاني لهشام الجخ
او تقولي بتجيبها من فين اصلي بحب اشعاره اوي
الرجوع الى أعلى الصفحة اذهب الى الأسفل
عبير الورد
- عضو كدة وكدة -
avatar

انثى عدد المساهمات : 126
نقاط : 3442
تاريخ التسجيل : 29/11/2009

مُساهمةموضوع: رد: من اشعار جحا المصرى   الخميس يوليو 29, 2010 11:59 am

ودا القائه ...
https://www.youtube.com/watch?v=z90qk08RKkM

من الاخر
الرجوع الى أعلى الصفحة اذهب الى الأسفل
 
من اشعار جحا المصرى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SoUL TeAM :: ع المصطبة :: المهيسين فى الارض-
انتقل الى: