في البداية كانت السما والأرض حتة واحدة، بس بعد فترة فصلت ما بينهما طفولة الريح، اللي في الوقت ده كانت مهمتها.. إنها تنقل شكاوي وأخبار الأرض للسما، وردود وتعاليم السما للأرض.
السما بقت طول الأرض شايفة الحياة من فوق.. فاتعلمت التعالي.. تعالي السما وطفولة الريح علموا الأرض التمرد.
اتعكرت العلاقة بين الصديقتين.. وبقي قليل جداً لما واحدة فيهم تبعت للتانية تعرض عليها الصلح، كمان مع الوقت الريح كبرت.. ورحلة الرمل وحكاوي الشجر شغلوها عن مهمتها في توصيل الرسايل.
الأرض ساعات تفقد أعصابها فتزعق بعزم ما فيها نفسها صوتها يوصل للسما، تزعق لغاية ما تترج، والسما كل ما ياخدها الشوق لأيام زمان تعيط بحرقة.. يمكن صاحبتها القديمة لما تشوف دموعها تسامحها.
أما الريح لما تحس بعقدة الذنب تدور حوالين نفسها بجنون، تحاول تعمل من روحها طريق حلزوني يوصل صداقة قديمة.. اتقطعت من زمان قوي!!
منقول