الرئيسيةاليوميةمكتبة الصورس .و .جبحـثالتسجيلدخول

شاطر | 
 

 عيد ميلاد الريس لعمنا (احمد فؤاد نجم) بسرعه اقروها قبل ما يحذفوها

اذهب الى الأسفل 
كاتب الموضوعرسالة
احمد كمال
- عضو أوعى وشك -
avatar

ذكر عدد المساهمات : 343
نقاط : 3790
تاريخ التسجيل : 27/04/2010
العمر : 38
المزاج : الف الحمد لله

مُساهمةموضوع: عيد ميلاد الريس لعمنا (احمد فؤاد نجم) بسرعه اقروها قبل ما يحذفوها   السبت مايو 08, 2010 10:13 pm

Ruby Diabian سيدي الرئيس
في عيد ميلادك الكام وتمانين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك -
هاتفتكر مين وللا مين
في عيد ميلادك الكام وسبعين
بقول لك كلمتين
الأوله شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية ورتنا الويل
دا الخطوة في عهدك بقت ميل
والضحك بقى نواح وعويل
والكوسة عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
الرجوع الى أعلى الصفحة اذهب الى الأسفل
محمد كنزى
- مشرف قسم ع المسطبة -
avatar

ذكر عدد المساهمات : 295
نقاط : 3595
تاريخ التسجيل : 12/04/2010
العمر : 29
الوظيفه : رحااااااااال
المزاج : متى تعووووووووووود

مُساهمةموضوع: رد: عيد ميلاد الريس لعمنا (احمد فؤاد نجم) بسرعه اقروها قبل ما يحذفوها   السبت مايو 08, 2010 10:27 pm

مافى غير اقول يااااااااااااااااااااااااااااااااااااالله

وعجز لسانى عن الرد

************************************************
محمد عبد الرازق

الى من فقدتها

اخذت قلبى

عزفتنى عن الزواج

    
الرجوع الى أعلى الصفحة اذهب الى الأسفل
samar
- نائب المدير العام -
avatar

انثى عدد المساهمات : 1142
نقاط : 4803
تاريخ التسجيل : 02/11/2009
العمر : 28
الوظيفه : سكرتيره ومنسق تدريب الطرق المؤدية للتعليم العالى
المزاج : الحمدلله تمام

مُساهمةموضوع: رد: عيد ميلاد الريس لعمنا (احمد فؤاد نجم) بسرعه اقروها قبل ما يحذفوها   الإثنين مايو 10, 2010 12:09 am

لالالالالالالالالالالالالالا
ارجوك كدا هنروح فى حاجه وهيودونا ورا حاجه
هى القصيده عجبانى بس مش معاك فى كلامها
مش بحب الناس اللى ترمى كل اللوم على شخص وتطلع نفسها بريئه
ويكون كل الغلط منها

************************************************
مــــــن أنا ؟؟؟
كثيرا ما توقفت أمام نفسى لا أعرف من أنا !!!
لا أعرف من أكون أحيــــــانا أعرف من أنا وأحيانا أجهل من أكون
وإن عرفت لا اقتنع بمن أنا وإن اقتنعت أنا قد لا يقتنع الاخرون!!
فأحاول أن أكون مثلهم فلا أستطيع ابدا كما يريدون أن اكون
فأعود الى نفسى وجهلى بمن انـــــــــــــ ا ؟؟؟
الرجوع الى أعلى الصفحة اذهب الى الأسفل
احمد كمال
- عضو أوعى وشك -
avatar

ذكر عدد المساهمات : 343
نقاط : 3790
تاريخ التسجيل : 27/04/2010
العمر : 38
المزاج : الف الحمد لله

مُساهمةموضوع: رد: عيد ميلاد الريس لعمنا (احمد فؤاد نجم) بسرعه اقروها قبل ما يحذفوها   الإثنين مايو 10, 2010 3:38 pm

ايه يا جماعه خايفين ولا ايه
هوه انا اللى كتبت القصيده
ده شاعر محترم ومعروف
احمد فؤاد نجم
اسألو التاريخ مين احمد فؤاد نجم
الرجوع الى أعلى الصفحة اذهب الى الأسفل
احمد كمال
- عضو أوعى وشك -
avatar

ذكر عدد المساهمات : 343
نقاط : 3790
تاريخ التسجيل : 27/04/2010
العمر : 38
المزاج : الف الحمد لله

مُساهمةموضوع: رد: عيد ميلاد الريس لعمنا (احمد فؤاد نجم) بسرعه اقروها قبل ما يحذفوها   الإثنين مايو 10, 2010 3:50 pm

انا اسف انا قرأت نصف التعليق
الاصلاح من فوق لتحت
من القمه الى القاعده
هىه السمكه بتفسد من فين
مش من الرأس
الرجوع الى أعلى الصفحة اذهب الى الأسفل
Asmaa _ Smart Team
- مشرف القسم العام -
avatar

انثى عدد المساهمات : 187
نقاط : 3464
تاريخ التسجيل : 25/04/2010
العمر : 34
المزاج : سعيدة الحمد لله

مُساهمةموضوع: رد: عيد ميلاد الريس لعمنا (احمد فؤاد نجم) بسرعه اقروها قبل ما يحذفوها   الإثنين مايو 10, 2010 10:48 pm

يا استاذى ايه الكلام الكبير دا
بس كدا شكلنا حنختفى الايام الجاية و المنتدى مش حيكون ليه اثر
ع العموم انا رايى ان الاصلاح مش من فوق لتحت ولا من تحت لفوق
الاصلاح يكون من الاتنين سوا فى نفس الوقت لان الاتنين عليهم المسئولية

************************************************
كُل تحدي جديد يبني شخصيتى

الرجوع الى أعلى الصفحة اذهب الى الأسفل
احمد كمال
- عضو أوعى وشك -
avatar

ذكر عدد المساهمات : 343
نقاط : 3790
تاريخ التسجيل : 27/04/2010
العمر : 38
المزاج : الف الحمد لله

مُساهمةموضوع: رد: عيد ميلاد الريس لعمنا (احمد فؤاد نجم) بسرعه اقروها قبل ما يحذفوها   الثلاثاء مايو 11, 2010 2:42 pm

التنميه البشريه علمتنى احلم
واحاول احقق حلمى
وانا اتعلمت منكوا(ولى الشرف)
ان الاحلام ممكنه
انا صلحت كتير من نفسى ومش هبطل اصلاح
وهو ده الاصلاح الحقيقى
هو الاصلاح وحش
ولا كلمه ضد حد
على العموم كل سنه ومصر بالف خير
الرجوع الى أعلى الصفحة اذهب الى الأسفل
 
عيد ميلاد الريس لعمنا (احمد فؤاد نجم) بسرعه اقروها قبل ما يحذفوها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SoUL TeAM :: المنتدى العام :: ع القهوة-
انتقل الى: