SoUL TeAM
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 متخيلاك كده

اذهب الى الأسفل 
2 مشترك
كاتب الموضوعرسالة
Asmaa _ Smart Team
- مشرف القسم العام -
Asmaa _ Smart Team


انثى عدد المساهمات : 187
نقاط : 5389
تاريخ التسجيل : 25/04/2010
العمر : 39
المزاج : سعيدة الحمد لله

متخيلاك كده Empty
مُساهمةموضوع: متخيلاك كده   متخيلاك كده Emptyالجمعة سبتمبر 24, 2010 12:41 am

اجدد خواطر للمبدعة سمية كمال الدين
خاطرة جميلة و رائعة جدا
كالعادة كلمات بسيطة بس قوية جدا
متخيلاك كده

متخيلاك كده 61682_149200415115497_100000766172182_223461_4594497_n



لما ببقى معاك ببقى عاوزة احكى كتير مش عشان بحب الرغى واللوك لوك الكتير ولا عشان عاوزة حد اتكلم معاه بس عشان بحب اشوف اهتمامك بيا وانت بتسمعنى وبتسمع حكاويا وعملت ايه ورحت فين وشفت مين و قلت ايه والحاجات اللى عجبتنى فتعرف حاجات اكتر عنى وعن ذوقى ع الاقل عشان لما تزعلنى تعرف تصالحنى وتضحكنى ازاى وبحب الحكاوى عشان حاجة تانى بحب اشوفك منفعل وبتزعق لى ومتضايق منى لو قلت لك على حد ضايقنى او عملى حاجة ومش كلمتك وقتها عشان تتصرف معاه وميضايقنش كده تانى وعشان كمان تهدينى شوية بدل ما افضل طول اليوم متضايقة





بتحب الحاجات اللى انا بحبها مش عشان هى حلوة وتحفة وان انا ذوقى رائع وحتى لو كان كده بس انت بتحبها عشان انا بحبها وعشان هى لايقة عليا وانا برده بحب حاجاتك مهما كانت واهتماماتك وهواياتك حتى لو كانت مناقضة ليا وطباعك وشخصيتك وكل حاجة فيك بحبها بس عشان هى بتاعتك





حد كويس وقوى ويعتمد عليه شهم وليك مواقف جدعنة مع كل الناس اللى تعرفهم واللى مش تعرفهم كمان وده بيخلينى اغير عليك من ان الناس تحبك اكتر منى وخصوصا لو فيهم بنات ببقى هتحنن عليك وعشان انت كويس فى عينى عاوزاك تكون كويس فى الحقيقة وفى عيون كل الناس





فى الشكل مش متخيلاك قد ما نفسى تكون طويل وعريض عشان لما تاخدنى فى حضنك وتضمنى ليك احس بالاحتواء والامان وانا جوا حضنك وابقى مش خايفة عشان متاكدة ان مفيش حاجة ممكن تاذينى وانا معاك عشان انت اصلا مش هتسمح لحاجة تقرب منى مهما كانت او حتى مهما كان مين





اما نخلف حتى لو دستة مع انى مستحيل هخلف العدد ده اصلا بس متاكده انك هتكون اب كويس وطيب وهتعرف تقرب منهم وتصاحبهم ونكون اسرة فيها ترابط كل واحد فيها بيحب التانى وبيخاف عليه وبيحترمه برده جو كله راحة وامان وحب وثقة ورضا





بعد خمس ولا ست سنين من الجواز والحياة اللى يمكن تكون بعدتنا عن بعص والحب اللى بطبيعته بيقل بعد الجواز متوقعة فى يوم تفاجئنى وتثبت لى ان انا لسة فى قلبك زى الاول واكتر و ان مهما عدينا ع مشاكل ومواقف والوقت مر هفضل فى قلبك زى مانت جوا قلبى ويمكن اكتر
الرجوع الى أعلى الصفحة اذهب الى الأسفل
samar
- نائب المدير العام -
samar


انثى عدد المساهمات : 1142
نقاط : 6728
تاريخ التسجيل : 02/11/2009
العمر : 34
الوظيفه : سكرتيره ومنسق تدريب الطرق المؤدية للتعليم العالى
المزاج : الحمدلله تمام

متخيلاك كده Empty
مُساهمةموضوع: رد: متخيلاك كده   متخيلاك كده Emptyالجمعة ديسمبر 31, 2010 10:48 pm

يااااااااااااااااه ياسميه جميله ورائعه فعلا
بس ياترى الشخص المتخيلينه دى لسه موجود ولا دا فى الخيال بس
شكرا ياسمسم انك نزلتى الخاطره دى لانى مش شوفتها قبل كدا متخيلاك كده 110190
الرجوع الى أعلى الصفحة اذهب الى الأسفل
 
متخيلاك كده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SoUL TeAM :: المنتدى العام :: همسات وخواطر-
انتقل الى: